Gujarati News

રાજકોટ તા. ૨: સુપ્રિમ કોર્ટ દ્વારા એટ્રોસીટી એકટમાં કરેલા સુધારાને પગલે દલિત સમાજ દ્વારા આજે ભારત બંધનું એલાન અપાયું હોઇ રાજકોટ શહેરમાં ઠેર-ઠેર દલિત સમાજના યુવાનો બાઇક પર નીળકયા હતાં અને સુત્રોચ્ચાર કર્યા હતાં. બપોરે બે વાગ્યા આસપાસ કિસાનપરા ચોકથી બાઇક પર ૨૫-૩૦ લોકો બાઇક પર સવાર થઇને રૈયા રોડ તરફ નીકળ્યા હતાં અને ઠેર-ઠેર બંધ કરો-બંધ કરો...ના નારા લગાવ્યા હતાં. પોલીસને જાણ થતાં મોબાઇલ દોડાવાઇ હતી. પરંતુ એ પહેલા આ લોકો નીકળી ગયા હતાં. આ ઉપરાંત અમીન માર્ગ, અક્ષર માર્ગ, ગોંડલ રોડ ઉપર પણ બપોરે અઢી વાગ્યે ટોળુ બંધ કરાવવા નીકળ્યાનું જાણવા મળે છે.  (૧૪.૧૭)