Gujarati News

રાજકોટ, તા.૨ : આજે ભારત બંધનું એલાન અપાયું છે, ગત મોડી રાત્રે સોરઠીયાવાડી ચોકથી આગળ આંબેડકરનગર પાસે એસ.ટી. બસ ઉપર પથ્થરમારોથી બારીના કાચનો ભુકકો બોલી ગયો હતો, મુસાફરોમાં ભારે ભય ફેલાયો હતો, દરમિયાન આ ઘટના બાદ મોડી રાતથી રાજકોટ એસ.ટી. ડીવીઝનના તમામ ૧૪ ડેપો ઉપર સઘન પોલીસ બંદોબસ્ત ગોઠવી દેવાયો છે, કોઇપણ નિર્ણય લેવા સંદભને તમામ ડેપો મેનજરો અને અધિકારીઓને ડેપો ઉપરજ હાજર રહેવા ડિવીઝનલ નિયામક શ્રી જેમ્લાએ તાકીદ કરી છે. ડ્રાઇવર - કંડકટરોને જોખમ લાગે ત્યાં બસો નહિ ચલાવા અથવા તો નજીકના પોલીસ સ્ટેશનમાં બસો રાખી દેવા સૂચના અપાઇ છે.