Gujarati News

Gujarati News

News of Saturday, 1st August 2020

કોઠારીયામાં મજૂરોની નજર સામે જ સગીરાએ દોટ મુકી કૂવામાં ઝંપલાવી મોત મેળવી લીધું

એક તરવૈયાએ બચાવવા પ્રયાસ કર્યો પણ સફળતા ન મળીઃ આશરે ૧૬ વર્ષની બાળાના વાલીવારસને શોધવા આજીડેમ પોલીસની મથામણઃ જમણા હાથ પર હિન્દીમાં 'જીજી' ત્રોફાવ્યું છે

રાજકોટ તા. ૧: કોઠારીયા ગામમાં રોલેકસ કારખાના સામે સાંભલપુર ઇન્ડસ્ટ્રીઝ એરિયામાં આવેલા એક કૂવામાં સવારે આશરે ૧૫-૧૬ વર્ષની એક બાળાએ દોટ મુકી કૂવામાં ઝંપલાવી દઇ મોત મેળવી લીધું હતું. આ બાળા કૂવામાં કૂદી ત્યારે નજીકમાં કેટલાક મજૂરો હોઇ તેણે દોટ મુકી હતી. બાળા પાણીમાં ગરક થઇ ગઇ હોઇ ફાયર બ્રિગેડને જાણ કરવામાં આવતાં રેસ્કયુ ટીમે પહોંચી તેણીનો મૃતદેહ બહાર કાઢ્યો હતો.

બનાવની જાણ થતાં આજીડેમ પોલીસ મથકના એએસઆઇ વી. બી. સુખાનંદી તથા કિરીટભાઇ રામાવતે પહોંચી કાર્યવાહી કરી હતી. ફાયર બ્રિગેડ ટીમના આર. બી. ભટ્ટી, ફાયરમેન જયેશભાઇ ડાકી, રસિકભાઇ સાકરીયા, મોહિતસિંહ ઝાલા, મોૈલિક ચનીયારા, જગજીશભાઇ નૈનુજી સહિતે કૂવામાં મિંદડી નાંખી પાંચ જ મિનીટમાં બાળાનો મૃતદેહ બહાર કાઢ્યો હતો. ૧૦૮ની તબિબે તેણીને મૃત જાહેર કરી હતી.

પોલીસના કહેવા મુજબ મૃતકની ઉમર આશરે ૧૫ થી ૧૬ વર્ષ છે. હાથમાં મહેંદી મુકી છે. બ્લુ-ગુલાબી-કાળા-સફેદ રંગની ડિઝાઇનનો કાબરચીતરો ડ્રેસ તેણીએ પહેર્યો છે. તેના જમણા હાથ પર હિન્દીમાં 'જીજી' ત્રોફાવેલું છે. ઘટના સ્થળે હાજર મજૂરોના કહેવા મુજબ તેણીએ અચાનક દોટ મુકી ચપ્પલ બહાર ઉતારી કૂવામાં ધૂબાકો મારી દીધો હતો. પોલીસે મૃતકની ઓળખ મેળવવા તજવીજ હાથ ધરી છે. તસ્વીરમાં દેખાતી બાળાના કોઇ વાલીવારસ હોય કે કોઇ તેને ઓળખતું હોય તો આજીડેમ પોલીસનો અથવા ૯૮૭૯૫ ૦૦૩૦૬ ઉપર સંપર્ક કરવા જણાવાયું છે.

(1:02 pm IST)
  • દેશમાં કોરોનાના કુલ કેસનો આંક 17 લાખને પાર પહોંચ્યો : સાજા થનાર દર્દીની સંખ્યા 11 લાખ નજીક: સવારે 10-30 વાગ્યા સુધીમાં તેલંગાણાના નવા 2083 કેસ અને ઓરિસ્સાના 1602 કેસ ઉમેરાયા :મિઝોરમમાં પણ 5 કેસ વધ્યા : કુલ કેસની સંખ્યા 17.00.744 થઇ : વધુ 1114 દર્દીઓ રિકવર થતા કુલ 11,96,761 દર્દીઓએ કોરોના સામે જંગ જીત્યો : વધુ 11 લોકોના મોત સાથે મૃત્યુઆંક 36,562 થયો access_time 11:12 am IST

  • GST કલેક્શનમાં જબરો ઘટાડો:જુલાઈ, 2020 માં એકત્રિત કરવામાં આવેલી જીએસટીની કુલ આવક ઘટીને રૂ. 87,422 કરોડ થઈ છે : સીજીએસટી: રૂ .16,147 કરોડ: એસજીએસટી: 21,418 કરોડ : આઇજીએસટી: 42,592 કરોડ : સેસ: 7,265 કરોડ access_time 10:18 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST