Gujarati News

Gujarati News

News of Tuesday, 23rd October 2018

છેલ્લા ૨૦ વર્ષ દરમિયાન કુદરતી આફતોથી ખુવાર થયેલા વિશ્વના ૧૦ દેશોમાં ભારત ૪થા ક્રમેઃ પૂર હોનારત, વાવાઝોડુ, દુષ્કાળ તથા ધરતીકંપ જેવી આપત્તિઓથી દેશને અધધ... ૮૦ બિલીયન ડોલર (અંદાજે પ લાખ ૬૦ હજાર કરોડ રૂપિયા)નું નુકશાનઃ યુનાઇટેડ નેશન્સનો અહેવાલ

નવી દિલ્હીઃ છેલ્લા ૨૦ વર્ષ દરમિયાન ભારતમાં પૂર હોનારત, વાવાઝોડુ, દુષ્કાળ તેમજ ધરતીકંપ સહિતની કુદરતી આફતોના કારણે દેશને ૮૦ બિલીયન ડોલર (અંદાજે પ લાખ ૬૦ હજાર કરોડ રૂપિયા)નું નુકશાન થયું છે. પરિણામે કુદરતી આફતોથી ખુવાર થતા વિશ્વના દેશોમાં ભારત ચોથા ક્રમે આવી ગયું છે. તેવો યુનાઇટેડ નેશન્સનો અહેવાલ છે.

આ અહેવાલમાં જણાવાયા મુજબ માથાદીઠ ઓછી આવક ધરાવતા દેશોને કુદરતી આફતોથી થતું નુકશાન વધુ પ્રમાણમાં જોવા મળે છે. જ્યારે વિકસીત દેશોને તેમની સરખામણીમાં ઓછી નુકશાની થાય છે. કારણ કે તેમની આવકનો દર ઊંચો છે.

છેલ્લા ૨૦ વર્ષ દરમિયાન આવી સૌથી વધુ આર્થિક ખુવારીનો ભોગ બનેલા વિશ્વના ૧૦ દેશોમાં પ્રથમ ક્રમે ૯૪પ બિલીયન ડોલરના નુકશાન સાથે ચીન પ્રથમ ક્રમે છે. જ્યારે આ ૧૦ દેશોમાં કુદરતી આફતોથી થયેલા મોતની સંખ્યા ૧.૩ મિલીયન લોકો જેટલી થાય છે. (UNNમાંથી સાભાર)

(9:47 pm IST)
  • દાહોદના ઝાલોદની RTO ચેકપોસ્ટ પર એસીબીનો દરોડો :કોમ્પ્યુટર ઓપરેટરની મિલિ ભગતથી વાહનચાલકો પાસેથી નાણાં ઉઘરાવવાનું કૌભાંડ બહાર આવ્યું :ડિકોય ટ્રેપ કરી આસિસ્ટન્ટ મોટર વહીકલ ઇન્સ્પેકટર અને કોમ્પ્યુટર ઓપરેટરને ઝડપી પાડ્યા:વાહન દીઠ રૂપિયા 500 ઉઘરાવતા હતા. access_time 6:45 pm IST

  • પાકિસ્તાન શાંતિ ઇચ્છે છેઃ ઇમરાનને ડહાપણ દાઢ ફૂટી :છેલ્લો એક દાયકો ખૂબ ખરાબ રહ્યોઃ ચૂંટણીના કારણે ભારતે અમારા પ્રસ્તાવને ફગાવી દીધેલઃ ચૂંટણી પછી ફરીથી દોસ્તીનો હાથ લંબાવશું તેમ પાકિસ્તાનના નવા વડાપ્રધાન ઇમરાનખાને કહયું છે. access_time 4:23 pm IST

  • જામનગર :ભેળસેળીયા પેટ્રોલપંપ પર પુરવઠા ખાતાની તવાઇ:લાલપુર પોરબંદર હાઇવે પર લાલપુર પેટ્રોલપંપને સીલ કરાયું:જામનગર પુરવઠા વિભાગ દ્વારા ઓચિંતા દરોડાની કાર્યવાહી:23 લાખનો પેટ્રોલ-ડિઝલનો ભેળસેળયુકત જથ્થો સીલ કરાયો:પેટ્રોલ પંપ પર ભેળસેળ થતા હોવાની ફરિયાદના આધારે કાર્યવાહી access_time 3:46 pm IST