Gujarati News

ન્‍યજર્સીઃ યુ.એસ.ના ન્‍યુજર્સીમાં વેસ્‍ટ વિન્‍ડસર ખાતેના મેયર તરીકે સૌપ્રથમવાર ઇન્‍ડિયન અમેરિકન ઇલેકટ્રીકલ એન્‍જીનીયર શ્રી હેમંત મરાઠે ચૂંટાઇ આવ્‍યા છે. ૩૦ હજારની વસતિ ધરાવતા આ નાના એવા ટાઉનના મેયરપદ માટે ૩ ઉમેદવારો વચ્‍ચેની સ્‍પર્ધામાં ૩૩૨૭ એટલે કે ૪૮ ટકા મત મેળવી તેઓ વિજેતા બન્‍યા છે જયારે અન્‍ય ૨ હરિફો પૈકી ઇન્‍ડિયન અમેરિકન કમલ ખન્‍નાને ૩૧ ટકા તથા ત્રીજા હરિફ યાન મેઇ વોંગને ૨૦ ટકા મતો મળ્‍યા હતા.

આ ટાઉનમાં અડધા ઉપરાંત  એશિઅન અમેરિકન પ્રજાજનો વસે છે જયાં શ્રી મરાઠે છેલ્લા ૧૨ વર્ષથી સ્‍કૂલ બોર્ડમાં વિવિધ હોદાઓ ઉપર ફરજ બજાવી ચૂકયા છે. ૧૯૯૪ની સાલથી તેઓ વિન્‍ડસરમાં સ્‍થાયી થયા છે.