Gujarati News

વોશીંગ્‍ટનઃ અમેરિકામાં ૨૦૧૬ની સાલમાં નોંધાયેલા હેટક્રાઇમનો આંકડો ૬૦૦૦ ઉપરાંત થઇ ગયો છે જે ૨૦૧૫ની સાલ કરતા પાંચ ટકા જેટલો વધારે છે તેવું FBI એ ૧૩ નવેં.ના રોજ જારી કરેલા અહેવાલ દ્વારા ફલિત થાય છે.

હેટ ક્રાઇમનો ભોગ બનેલા પ્રજાનોમાં ૧૨ હિન્‍દુઓ ૭ શીખો તથા ૧ બૌધ્‍ધ ધર્મીનો સમાવેશ થાય છે. જુદા જુદા કારણોસર આચરાતા હેટક્રાઇમ અંતર્ગત વર્ણભેદ તથા જાતિ ભેદનો ભોગ બનતા આફ્રિકન અમેરિકન, જેવિશ, મુસ્‍લિમ, હિન્‍દુ, શીખ તથા બૌધ ધર્મીઓનો સમાવેશ થાય છે.જોકે શીખ કોલીશન દ્વારા જણાવાયા મુજબ હેટ ક્રાઇમનો ભોગ બનેલા શીખોની સંખ્‍યા FBI દ્વારા જારી કરાયેલા રિપોર્ટ કરતા વધુ છે.

જો કે તમામ કોમ્‍યુનીટીની અગ્રણીઓના મંતવ્‍યો મુજબ અમેરિકામાં આચરાતી હિંસા પૈકી હેટ ક્રાઇમ તરીકે ઓછા બનાવોની નોંધ થતી હોવાથી જાહેર કરાયેલ ૬૧૨૧ હેટ ક્રાઇમ કરતા વધુ આચરાયા છે.