Gujarati News

Gujarati News

News of Tuesday, 22nd January 2019

સિંગાપોરના પ્રાઇમ મિનીસ્ટરના નિવાસ સ્થાને બોમ્બ મુકાયોઃ દારૂના નશામાં પબ્લીક બુથ ઉપરથી ફોન કરનાર ભારતીય મૂળના ૬૧ વર્ષીય ગણેશનને ૪ માસની જેલસજા

સિંગાપોરઃ સિંગાપોરના સૌપ્રથમ પ્રાઇમ મિનીસ્ટરના નિવાસ સ્થાને બોમ્બ મુકાયો છે તેવો પબ્લીક બુથ ઉપરથી ખોટો ફોન કરવા બદલ ભારતીય મૂળના ૬૧ વર્ષીય ગણેશન સિંગરાવેલને ૪ માસની જેલસજા ફરમાવાઇ છે. તેવું સમાચાર સૂત્રો દ્વારા જાણવા મળે છે.ઙ્ગ

આલ્કોહોલના સેવનની અસર નીચે ગણેશનએ ૧૩ નવેં.૨૦૦૪ના રોજ પબ્લીક બુથ ઉપરથી ફોન કરતા પોલીસ તંત્ર દ્વારા તાત્કાલિક તપાસ કરાઇ હતી. તથા તેણે ખોટો ફોન કર્યો હોવાની ખબર પડતા ધરપકડ કરાઇ હતી. પરંતુ બાદમાં જામીન ઉપર છૂટતા તે નાસી ગયો હતો. જે યુ.એસ.માં મુદત પૂરી થઇ ગયા પછી પણ રોકાઇ પડતા પકડાઇ ગયો હતો.

ગણેશનના વકીલે જણાવ્યા મુજબ તેણે નશા હેઠળ આ કૃત્ય કર્યુ હતું. તેની આ આદતના કારણે પત્નીએ પણ છૂટાછેડા લઇ લીધા છે તથા તેના સંતાનોએ પણ તેનો ત્યાગ કરી દીધો છે.

(7:56 pm IST)
  • જેતપુરમાં એક્ટિવા સવાર કોલેજની વિદ્યાર્થિનીનું ટ્રક અડેફેટે કરૂણમોત : જુનાગઢ રોડ પર એક્ટિવા લઇને જતી વિદ્યાર્થીનીને ટ્રકે અડફેટે લેતાઘટના સ્થળે જ મોત : બંશી નામની વિદ્યાર્થીનીના જન્મ દિવસે જ મોત થતા જન્મદિવસની ઉજવણી માતમમાં બદલાઈ access_time 1:01 am IST

  • સબરીમાલા મંદિરમાં પ્રવેશ કરનારી મહિલા માટે ઘરના દરવાજા બંધ :કેરળના સબરીમાલામાં મંદિરમાં પ્રવેશ કરીને ઇતિહાસ રચનાર મહિલા કનકદુર્ગાને તેના પતિએ ઘરમાંથી બહાર કાઢી મૂકી : કનકદુર્ગાએ 50 વર્ષથી ઓછી ઉંમરની એક અન્ય મહિલા સાથે સબરીમાલા મંદિરમાં પ્રવેશ કર્યો હતો access_time 1:16 am IST

  • પ્રયાગરાજના કુંભમેળામાં 'પોષ પૂર્ણિમા'ના પાવન પ્રસંગે 1 કરોડથી વધુ ભાવિકોએ લગાવી શ્રદ્ધાની ડૂબકી:કુંભ મેળાના આયોજક અધિકારી કિરણ આનંદે કહ્યું કે કુંભ મેળાના બીજા સ્નાન પર્વ પોષ પૂર્ણિમાના પ્રસંગે 1 કરોડ 7 લાખ લોકોએ સ્નાન કર્યું હતું access_time 1:13 am IST