News of Tuesday, 17th April 2018

યુ.એસ.માં ઇન્‍ડિયન અમેરિકન કોમ્‍યુનીટીના પ્રશ્નોને વાચા આપવા કાર્યરત ‘‘હિન્‍દુ અમેરિકન ફાઉન્‍ડેશન (HAF)'' હયુસ્‍ટન ચેપ્‍ટરઃ ૭ એપ્રિલ ૨૦૧૮ના રોજ મળેલા વાર્ષિક ગાલા પ્રોગ્રામમાં કોંગ્રેસમેન ઇન્‍ડિયન અમેરિકન શ્રી રાજા ક્રિશ્નામુર્થીનું ઉદબોધન

હયુસ્‍ટનઃ યુ.એસ.માં ઇન્‍ડિયન અમેરિકન કોમ્‍યુનીટીના પ્રશ્નોને વાચા આપવા કાર્યરત ‘‘હિન્‍દુ અમેરિકન ફાઉન્‍ડેશન (HAF)'' હયુસ્‍ટન ચેપ્‍ટર આયોજીત વાર્ષિક ગાલા પ્રોગ્રામમાં ૭ એપ્રિલ ૨૦૧૮ના રોજ કોંગ્રેસમેન ઇન્‍ડિયન અમેરિકન શ્રી રાજા ક્રિશ્નામુર્થીએ મુખ્‍ય વકતા તરીકે હાજર રહી ઉદબોધન કર્યુ હતું. પ્રોગ્રામમાં HAF માટે ૧,૩૦,૦૦૦ ડોલરનું ફંડ ભેગુ થઇ ગયુ હતું.

આ તકે ઉપસ્‍થિત કોંગ્રેસમેન શ્રી રાજા ક્રિશ્નામુર્થીએ HAF દ્વારા હાથ ધરાતી ઇન્‍ડિયન અમેરિકન કોમ્‍યુનીટી માટેની પ્રવૃતિઓને બિરદાવી હતી તથા હિન્‍દુ સંસ્‍કૃતિને ઉજાગર કરવા બદલ પ્રશંસા કરી હતી.

HAF બોર્ડ મેમ્‍બર શ્રી રિષી ભુટાડાએ કેલિફોર્નિઆની ટેકસબુકોમાં વિદ્યાર્થીઓને ભણાવાતા હિન્‍દુઝમ તથા ભારતીયો વિષેના વિકૃત પ્રચારને વખોડી કાઢયો હતો. તથા ટેકસાસની સ્‍કૂલોમાંથી આવા વિકૃત પ્રચારનો વિરોધ નોંધાવતા ૧૦૦ જેટલા ચાર્જીસ લગાવાયા હોવાનું જણાવ્‍યું હતું.

શ્રી ક્રિશ્નામુર્થીએ H-1B વીઝા, વોટીંગ રજીસ્‍ટ્રેશનનું મહત્‍વ, હિન્‍દુ ધર્મની મહાનતા, અહિંસા, ધર્મ, ભક્‍તિ,સેવા,વસુધૈવ કુટુંબકમ, સહિતની બાબતો માટે ગૌરવ વ્‍યક્‍ત કર્યુ હતું.

આ તકે સેવા ઇન્‍ટરનેશનલ દ્વારા હરિકેન વાવાઝોડા વખતે કરાયેલી સેવાઓ બદલ એવોર્ડ એનાયત કરાયો હતો. જે પ્રેસિડન્‍ટ શ્રી ગિતેશ દેસાઇએ SEWA વતી સ્‍વીકાર્યો હતો.

સુશ્રી આયેશા મહેતાએ ટેકસ બુકોમાં દર્શાવાતો હિન્‍દુઓ વિષેનો વિકૃત પ્રચાર અંગે માહિતી આપી તેના ખરાબ પરિણામો અંગે જાણકારી આપી હતી.

HAFના કો.ફાઉન્‍ડર શ્રી મિહિર મેઘાણી કે જે દર વર્ષે પોતાની આવકનો પચ્‍ચીસ ટકા હિસ્‍સો HAFને ડોનેશન રૂપે આપે છે તેમણે સહુને ડોનેશન માટે પ્રેરણા આપી હતી.

(10:06 pm IST)
  • આરજેડી પ્રમુખ લાલૂ પ્રસાદ યાદવની મુશ્કેલી ઓછી થવાનું નામ લેતી નથી. ચારા કૌભાંડમાં સજા કાપી રહેલા લાલૂ યાદલ માટે ચૂંટણી પંચે તેની પાર્ટી વિરૂદ્ધ નોટિસ જારી કરતા પાર્ટીની માન્યતા રદ્દ કરવાની ચેતવણી આપી છે. મહત્વનું છે કે, આરજેડીએ વર્ષ 2014/15નું પાર્ટીનો ઓડિટ રિપોર્ટ ચૂંટણી પંચમાં જમા કરાવ્યો નથી. access_time 4:00 am IST

  • અમેરિકા, બ્રિટન અને ફ્રાન્સે સીરિયા સામે લશ્કરી પગલાં લેતાં રશિયાના પ્રમુખ વ્લાદિમીર પુતિને પરિણામો ભોગવવા ચેતવણી આપી છે. શનિવારે થયેલા હવાઈ હુમલા સીરિયા પરનું આક્રમણ હોવાનું કહેતાં રશિયાએ જણાવ્યું હતું કે આ હુમલાને પગલે સીરિયામાં માનવીય મુશ્કેલીઓ વધશે અને આંતરરાષ્ટ્રીય સંબંધ શૃંખલામાં પણ વિધ્વંસક અસરો સર્જાશે. access_time 12:35 am IST

  • અમદાવાદ એલીસબ્રીજ પોલીસે આઇપીએલ પર સટ્ટો રમતા શખ્શ સુરેશ યાદવને હોટલ અર્બનમાંથી દબોચ્યો : રાજસ્થાન રોયલ્સ અને રોયલ ચેલેન્જ બેંગલોરના મેચ પર સટ્ટો રમાડતો હતો સુરેશ : લેપટોપ, ટીવી, મોબાઇલ સહિત ઘણી ચીજો પોલીસે જપ્ત કરી access_time 12:25 am IST