Gujarati News

Gujarati News

News of Friday, 19th February 2021

અમેરિકામાં વસતા લાખો ભારતીયો માટે ખુશખબર : યુ.એસ.સિટિઝનશીપ બિલ 2021 સંસદમાં પેશ : ગ્રીન કાર્ડ માટે પ્રવાસીઓની સંખ્યા ઉપરની રોક દૂર થશે : H-1B વિઝાધારકોના આશ્રિતોને કામ કરવાની મંજૂરી મળશે

વોશિંગટન : અમેરિકાના નવનિયુક્ત પ્રેસિડન્ટ જો બીડને ચૂંટણી દરમિયાન આપેલા વચનોનું પાલન કરવાનું શરૂ  કરી દીધું છે. જે મુજબ અમેરિકામાં વસતા અને ત્યાંનું નાગરિકત્વ મેળવવા માટે વર્ષોથી રાહ જોતા ભારતીયો માટે સારા સમાચાર છે. જે અંતર્ગત  યુ.એસ.સિટિઝનશીપ બિલ 2021 સંસદમાં પેશ કરાયું છે.જે મુજબ હવે  ગ્રીન કાર્ડ માટે પ્રવાસીઓની સંખ્યા ઉપરની રોક દૂર થશે .તેમજ ટ્રમ્પ સરકારે સૂચવેલ પ્રવાસી ભારતીયોના આશ્રિતોને કામ કરવા ઉપરની રોક પણ દૂર થઇ જશે.

ઉલ્લેખનીય છે કે અમેરિકામાં આશરે 5 લાખ ભારતીયો એવા છે કે જેઓ પાસે ત્યાં કાયમી રહેવા માટેના કોઈ સ્થાયી દસ્તાવેજ નથી.તેઓ માટે હવે નાગરિકત્વ મેળવવાના દ્વાર ખુલ્લા થઇ જશે.ઉપરાંત H-1B વિઝાધારકોના એક લાખ જેટલા  જીવનસાથીના કામ કરવાના અધિકાર ઉપર તોળાઈ રહેલી તલવાર પણ હટી જશે તેવું એન.ટી.દ્વારા જાણવા મળે છે.

(12:13 pm IST)
  • કુંભ મેળામાં ૨૨ મહિલા કમાન્ડો ચાંપતી નજર રાખશે : એન્ટી ટેરરીસ્ટ ઓપરેશનની તાલીમ લ્યે છે : દહેરાદૂનના ટિહરી ખાતે પોલીસ ટ્રેનિંગ સેન્ટરમાં ૨૨ મહિલા કમાન્ડોને એન્ટી ટેરરીસ્ટ ઓપરેશન માટેની કઠીન તાલીમ અપાઇ રહી છે. આ ઉત્તરાખંડની પ્રથમ મહિલા એન્ટી ટેરરીસ્ટ સ્કવોડની સભ્યો છે. ડીજીપી અશોક કુમારે કહ્યુ કે હવે મહિલાઓ કોઇ પણ રીતે પુરૂષોથી 'કમ' નથી. આ મહિલા કમાન્ડોની ટ્રેનીંગ ચાલુ છે. અને તેમને પ્રથમ એસાઇનમેન્ટ આ વર્ષના એપ્રિલમાં યોજાયેલ કુંભ મેળાનું અપાશે. access_time 10:15 am IST

  • પશ્ચિમ બંગાળમાં અમિતભાઇ શાહને કાળા ઝંડા બતાવાયા : ભીડમાંથી નીકળી બેરીકેટ પર ચડી ગઈ મહિલા: દક્ષિણ પરગણા જિલ્લાના નામખાનામાં અમિતભાઇ શાહ પરિવર્તન યાત્રાને ઝંડી બતાવી પ્રસ્થાન કરાવતા પહેલા સભા સંબોધન કરતા હતા ત્યારે એક મહિલા ઇન્દિરા મેદાનમાં બનેલી બેરીકેટ પર ચડીને કેન્દ્રીય ગૃહમંત્રી અમિતભાઇ શાહને કાળો ઝંડો બતાવ્યો access_time 12:35 am IST

  • દેશમાં કોરોના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 12,517 કેસ નોંધાયા :કુલ કેસની સંખ્યા 1, 09,62,189 થઇ :એક્ટિવ કેસ 1,36,422 થયા: વધુ 10,241 દર્દીઓ સ્વસ્થ થતા કુલ 1,06,65,068 થયા :વધુ 83 લોકોના મોત સાથે કુલ મૃત્યુઆંક 1,56,123 થયા access_time 1:05 am IST