Gujarati News

હયુસ્‍ટનઃ યુ.એસ.માં હયુસ્‍ટનમાં ઓલ્‍ડ સ્‍ટેફોર્ડ સિવિક સેન્‍ટર ખાતે ૮ ડિસેં. શુક્રવારના રોજ ‘‘ગણેશ લીલા'' ઉત્‍સવ ઉજવાઇ ગયો.

હિન્‍દીમાં પેશ થયેલી ‘ગણેશ લીલા'માં શિવ પરિવાર તરીકે ૨૬ જેટલા કલાકારો જોડાયા હતા. શિવજી તથા પાર્વતીજી તેમજ ગણેશજી સાથેના સ્‍ટેજ ઉપરના ડાન્‍સએ દર્શકોને મંત્રમુગ્‍ધ કરી દીધા હતા.

ગણેશજીના પાત્રમાં માસ્‍ટરજી શ્રી ઇન્‍દ્રવદન ત્રિવેદીએ દર્શકોની વાહવાહ મેળવી હતી. જયારે શિવજીના પાત્રમાં એક પગે ઊભેલા શ્રી હેતલ પટેલ અને પાર્વતીજીના પાત્રમાં ડાન્‍સ કરી રહેલા સુશ્રી યોગિના પટેલના અભિનયથી પ્રેક્ષકો આફરિન પોકારી ગયા હતા.

ગણેશજીના બાળપણથી શરૂ કરાયેલી આ ગણેશ લીલાના જુદા જુદા દૃશ્‍યો, ભજનો, વગેરેથી દર્શકો ખુશ થઇ ગયા હતા. તેવું IAN દ્વારા જાણવા મળે છે.