Gujarati News

Gujarati News

News of Tuesday, 12th March 2019

શ્રી સંતરામ સત્સંગ સમાજ USA ના ઉપક્રમે 6 એપ્રિલ શનિવારે ન્યુજર્સી મુકામે 79 મો સત્સંગ : 25 મા વાર્ષિકોત્સવની ઉજવણી નિમિત્તે સૌપ્રથમવાર દીક્ષિત સંત પૂ.હરિદાસજી મહારાજ નડિયાદથી અમેરિકા પધારશે : ઓમકાર ,મેડિટેશન,તથા સહસ્ત્રનામ પાઠ,અને મંત્રોચ્ચાર સાથે સત્સંગ શરૂ કરાવશે

દિપ્તીબેન જાની દ્વારા : ન્યુજર્સી : બ્રહ્મલીન અષ્ટમ મહંત પ.પૂ.શ્રી નારાયણદાસજી મહારાજશ્રી પ્રેરિત તથા પ્રાત:સ્મરણીય પ.પૂ.શ્રી રામદાસજી મહારાજશ્રીના શુભ આશીર્વાદ સહ શ્રી સંતરામ ભક્ત સમાજ USA ના ઉપક્રમે 6 એપ્રિલ 2019 શનિવારના રોજ સંતરામ સત્સંગ નં 79 નું આયોજન કરવામાં આવ્યું છે.

એસેક્સ કાઉન્ટી કોલેજ જીમ્નેશીયમ ,વેસ્ટ માર્કેટ સ્ટ્રીટ ,નેવાર્ક ,ન્યુજર્સી મુકામે યોજાનારા આ સત્સંગનો સમય સવારે 11 વાગ્યાથી રાત્રીના 8 વાગ્યા સુધીનો રાખવામાં આવ્યો છે.

આ સત્સંગમાં 25 મા વાર્ષિકોત્સવની ઉજવણીના ઉપલક્ષ્યમાં સૌપ્રથમવાર શ્રી સંતરામ મંદિર ,નડિયાદના દિક્ષીત સંત પ.પૂ. હરિદાસજી મહારાજ અમેરિકા પધારી રહ્યા છે.તેઓ ઓમકાર , મેડિટેશન ,તથા મ્યુઝિક સાથે વિષ્નુ સહસ્ત્રનામના પાઠ  અને મંત્રોચ્ચાર કરી સત્સંગ શરૂ કરાવશે

સત્સંગમાં આવનાર ભક્તોને કાર પાર્કિંગ વ્યવસ્થિત કરવા ખાસ ભલામણ કરાઈ છે.શ્રી સંતરામ મંદિરમાંથી પ્રસાદી તરીકે મળેલ છઠ્ઠીનું કાપડ ,કંઠી ,અને સાહિત્ય માટે કોન્ટેક નં (732) 906-0792 દ્વારા સંપર્ક સાધવા જણાવાયું છે.સત્સંગનું જીવંત પ્રસારણ www.facebook.com/SantramNadiad દ્વારા ન્યુજર્સી ખાતેથી બપોરે 12 વાગ્યે કરાશે

સમાજ તરફથી અથવા મંદિરના નામે કોઈપણ પ્રકારનો ફંડફાળો અથવા ભંડોળ ઉઘરાવવામાં આવતું નથી.તેની સર્વે હરિભક્તોએ નોંધ લેવી તેવું શ્રી તુષાર વી.પટેલની યાદી જણાવે છે.

(9:00 am IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • સુરતના અમરોલીમાં ૮ વર્ષની બાળા ઉપર દુષ્કર્મ : સુરતના અમરોલીમાં ૮ વર્ષની બાળા ઉપર દુષ્કર્મ આચરવામાં આવતા ખળભળાટ મચી ગયો છે. બાળાને ગંભીર હાલતમાં હોસ્પિટલમાં ખસેડેલ છે. ૪ દિવસમાં શહેરમાં દુષ્કર્મની ૩ ઘટના બનતા દુષ્કર્મ આચરનારા સામે આક્રોશ ફેલાયો છે. access_time 3:33 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST