Gujarati News

Gujarati News

News of Thursday, 13th June 2019

''હરિધામ મંદિર મહોત્સવ'': અમેરિકાના ન્યુજર્સીમાં નવનિર્મિત હરિધામ મંદિરમાં ૫ થી ૭ જુલાઇ ૨૦૧૯ દરમિયાન પ્રાણ પ્રતિષ્ઠા મહોત્સવ ઉજવાશેઃ યોગી ડિવાઇન સોસાયટી આયોજીત ત્રિદિવસિય મહોત્સવ અંતર્ગત આંતર રાષ્ટ્રિય યુવા સંમેલન, યજ્ઞ, મહાપૂજા, સાંસ્કૃતિ કાર્યક્રમો તથા વેદોકત વિધિ મુજબ પ્રાણ પ્રતિષ્ઠાનું આયોજન

(ફોટો.yogi-1)હેડીંગ મેટર (yogi) મેટરમાં પ્રિન્ટ મુજબ

 

ઙ્ગ(દિપ્તીબેન જાની દ્વારા) ન્યુજર્સીઃ યુ.એસ.માં યોગી ડિવાઇન સોસાયટીના ઉપક્રમે ૫ થી ૭ જુલાઇ ૨૦૧૯ દરમિયાન હરિધામ મંદિર મહોત્સવ ઉજવાશે.

શ્રી ઠાકોરજી અન પ્રગટ ગુરૂહરિ પ.પૂ. હરિપ્રસાદ સ્વામીજી મહારાજના સંકલ્પ અને આશિર્વાદના ફળસ્વરૂપ અમરિકામાં ન્યુજર્સી ખાતે ''હરિધામ મંદિર''નું બાંધકામ પૂર્ણ થયું છે.

આ મંગલ પ્રસંગે વેદોકત વિધિ પૂર્વક પ્રાણ પ્રતિષ્ઠા કરાશે. જે અંતર્ગત ૫ થી ૭ જુલાઇ ૨૦૧૯ દરમિયાન પ્રાણ પ્રતિષ્ઠા સમારોહનું આયોજન કરાયું છે. જેમાં ૫ જુલાઇ શુક્રવારના રોજ બપોરે ૪-૩૦ થી રાત્રિના ૯ વાગ્યા દરમિયાન આંતર રાષ્ટ્રિય આત્મીય યુવા અધિવેશન યોજાશે.

૬ જુલાઇ શનિવારે સવારે ૯ વાગ્યાથી બપોરે ૧ વાગ્યા દરમિયાન યજ્ઞ તથા મહાપૂજા અને સાંજે સાત વાગ્યાથી રાત્રિના ૧૦ વાગ્યા દરમિયાન સાંસ્કૃતિક કાર્યક્રમોનું આયોજન કરાયું છે.

સાત જુલાઇ રવિવારના રોજ  સવારે ૯ વાગ્યાથી બપોરે ૧ વાગ્યા દરમિયાન મૂર્તિ પ્રતિષ્ઠા તથા મહોત્સવ સભા યોજાશે.

ત્રિદિવસિય મહોત્સવનું સ્થળ બર્કવુડ મેનોર, ૧૧૧ નોર્થ જેફરસન રોડ, વ્હીપની ન્યુજર્સી છે.

રજીસ્ટ્રેશન haridhmanj.org/mahotsav દ્વારા થઇ શકશે. તેવું શ્રી જય પટેલની યાદી જણાવે છે.

(7:22 pm IST)
  • કલકતાની હોસ્પિટલમાં ડોકટર ઉપર હિચકારો હુમલો : ઘેરા પ્રત્યાઘાત : આવતીકાલે દેશભરમાં આઈએમએ દ્વારા કાળી પટ્ટી ધારણ કરી કલેકટરને આવેદનપત્ર પાઠવશે access_time 3:19 pm IST

  • ''વાયુ'' વાવાઝોડું પોરબંદરની દક્ષિણે અરબી સમુદ્રમાં ૭૦ નોટકીલ માઈલ દૂર કેન્દ્રિત થયું છેઃ પ્રતિ કલાક ૬૫ કી.મી. ઝડપે ત્યાં પવન ફૂંકાય રહ્યો છેઃ માછીમારોની તમામ બોટો બંદર ઉપર સલામત છેઃ આજે સવારે કોસ્ટગાર્ડે કરેલ ટ્વીટ access_time 11:38 am IST

  • વાયુ વાવાઝોડું અપડેટ : રાજ્ય ના તમામ બંદર ઉપર લગાવાયા 9 નંબર નું સિગ્નલ : અતિ ભયજનક ગણાય 9 નંબર નું સિગ્નલ : પોરબંદર, જાફરાબાદ, વેરાવળ સહિત ના બંદર પર પણ ભયજનક 9 નંબર નું સિગ્નલ લગાવાયું : લોકો ને શાંતિ જાળવવા અને સાબદા રહેવા તંત્રની અપીલ access_time 8:14 pm IST