Gujarati News

Gujarati News

News of Tuesday, 9th October 2018

''હોમ ઓફ હોપ'': ભારતના જરૃરીયાતમંદ બાળકોને કોમ્યુટર એજ્યુકેશન તથા વોકેશ્નલ કોર્સ દ્વારા પગભર કરતી નોનપ્રોફિટ સંસ્થાઃ ૨૯ સપ્ટેંના રોજ યુ.એસ.ના કેલિફોર્નિયામાં યોજાયેલ ફંડ રેઇઝીંગ પ્રોગ્રામમાં ૪ લાખ ૫૦ હજાર ડોલર ભેગા થઇ ગયા

કેલિફોર્નિયાઃ યુ.એસ.માં ''હોમ ઓફ હોપ''ના ઉપક્રમે તાજેતરમાં ઇન્ડિયા કોમ્યુનીટી સેન્ટર, મિલપિટાસ, કેલિફોર્નિયા મુકામે ૨૯ સપ્ટેં. ૨૦૧૮ના રોજ ફંડ રેઇઝીંગ પ્રોગ્રામ યોજાઇ ગયો. જેમાં ઉપસ્થિત કોમ્યુનીટી અગ્રણીઓએ ૪ લાખ ૫૦ હજાર ડોલરનું ફંડ ભેગુ કરી દીધુ હતું. જે ભારતના જરૃરીયાતમંદે બાળકો માટે વપરાશે.

આ તકે 'હોમ ઓફ હોપ'ના લાભાર્થી સુશ્રી સ્વાતિ ઉદયને પોતાને મળેલી સહાયથી પગભર થઇ હાલમાં એમેઝોનમાં સિટલે વોશીંગ્ટન મુકામે નોકરી કરી ગૌરવભેર જીવન વીતાવતા હોવા અંગે આપવીતી વર્ણવી હતી. તેઓ આ પ્રોગ્રામના સહ ભાગીદાર હતા.

ઉલ્લેખનીય છે કે હોમ ઓફ હોપ દ્વારા ભારતના જરૃરિયાતમંદ બાળકોને કોમ્યુટર એજ્યુકેશન, વોકેશ્નલ કોર્સ, સહિતના શિક્ષણ દ્વારા પગભર કરે છે. જેનો ૧ થી ૧૨ ધોરણ સુધીના ૩૦ હજાર જેટલા સ્ટુડન્ટસએ લાભ મેળવ્યો છે.

(9:03 pm IST)
  • ગુજરાતમાં 'લોબાન' વાવાઝોડાનો ખતરો? : દેશના દરિયાકાંઠાના તમામ રાજયો એલર્ટ : દરિયામાં ઉંચા મોજા ઉછળવાની શકયતા : અરબી સમુદ્રમાં સર્જાયુ સાયકલોનીક એર સરકયુલેશન : દક્ષિણ ગુજરાત ભારે પવન ફૂંકાવાની શકયતા : નેશનલ ઈમરજન્સી રિસ્યોન્સ સેન્ટરે આપ્યુ એલર્ટ : ૮૦ થી ૧૩૫ કિ.મી.ની ઝડપે પવન ફૂંકાશે access_time 3:28 pm IST

  • અરવલ્લી:મોડાસા માર્કેટયાર્ડમાં વેપારીઓનો હોબાળો:દબાણ દૂર કરતા પહેલા વેપારીઓમાં રોષ:૯૮ વેપારીઓને નોટિસની મુદત પૂર્ણ થતા કાર્યવાહી :આજે દબાણ દૂર કરવાની કાર્યવાહી હાથ ધરાશે:૧૦૦થી વધુ પોલીસ કાફલા સાથે કાર્યવાહી કરાશે:૩૦ વર્ષથી દુકાન ચલાવતા વેપારીઓ રડી પડ્યા access_time 5:41 pm IST

  • આંતરાષ્ટ્રીય બજારમાં ૮'દિ ક્રુડના ભાવો બેરલ દીઠ ૫ ડોલર ઘટયાઃ ભારતમાં પેટ્રોલ-ડીઝલ સસ્તુ થવાને બદલે ૮'દિમાં ૨ રૂ. વધી ગયા :ફરી આજે પેટ્રોલમાં ૧ લીટરે ૧૨ પૈસા અને ડીઝલમાં ૨૮ પૈસાનો દિલ્હીમાં વધારોઃ મુંબઇમાં પેટ્રોલમાં ૧૨ અને ડીઝલમાં લીટરે ૨૯ પૈસા વધ્યા access_time 3:28 pm IST