Gujarati News

વોશિંગ્‍ટન ડીસીઃ અમેરિકાના વોશિંગ્‍ટન ડીસીમાં દર વર્ષે યોજાતી રાષ્‍ટ્રીય કક્ષાની સ્‍પેલીંગ બી સ્‍પર્ધામાં પ્રતિનિધિત્‍વ કરવા માટે દરેક સ્‍ટેટમાં આ સ્‍પર્ધા યોજવામાં આવે છે. જે અંતર્ગત જુદા જુદા રાજ્‍યોમાં યોજાઇ ગયેલી સ્‍પર્ધાઓ પૈકી વર્મોન્‍ટ, ફલોરિડા, વર્જીનીઆ તથા વિસ્‍કોસિનમાં ઇન્‍ડિયન અમેરિકન વિદ્યાર્થીઓ વિજેતા થયા છે. જેઓ હવે રાષ્‍ટ્રીય કક્ષાની સ્‍પર્ધામાં ભાગ લેશે.

સ્‍ટેટ કક્ષાની સ્‍પર્ધામાં વિજેતા બનેલા ઇન્‍ડિયન અમેરિકન સ્‍ટુડન્‍ટ્‍સ પૈકી વર્મોન્‍ટમાંથી ૧૨ વર્ષીય રાઘવ ઘાંડી, ફલોરિડામાંથી ૧૪ વર્ષીય વસુંધરા ગોવિંદરાજન, વર્જીનીઆમાંથી ૮મા ગ્રેડનો સ્‍ટુડન્‍ટ સિમરન પાટીબંદા તથા વિસ્‍કોસીનમાંથી હન્‍ના ઘોષએ વિજેતા થઇ ભારતનું ગૌરવ વધાર્યુ છે.