Gujarati News

Gujarati News

News of Tuesday, 9th February 2021

રાજદ્રોહ માટે લગાડતી કલમ 124 A ને પડકારતી પિટિશન સુપ્રીમ કોર્ટે ફગાવી : પિટિશનમાં કરાયેલી દલીલ મુજબ રાજદ્રોહ કલમ અંગ્રેજોના જમાનામાં સ્વાતંત્ર્ય સેનાનીઓ વિરુદ્ધ લગાડતી હતી : હાલમાં તેનો ઉપયોગ વાણી સ્વાતંત્ર્ય સામે થઇ રહ્યો છે : અરજદારોને આ કલમ સાથે કંઈ લાગતું વળગતું ન હોવાથી વિવાદાસ્પદ કાયદાને છંછેડવાનો કોઈ અર્થ નથી : ચીફ જસ્ટિસ શ્રી એસ.એ.બોબડેની ખંડપીઠનો ચુકાદો

ન્યુદિલ્હી : સુપ્રીમ કોર્ટમાં આદિત્ય રંજન સહીત 3 એડવોકેટે રાજદ્રોહ માટે લગાડતી કલમ 124 A ને પડકારતી પિટિશન દાખલ કરી હતી.જેમાં જણાવાયું હતું કે આ કલમ અંગ્રેજોના જમાનામાં સ્વતંત્રતા માટે ચળવળ ચલાવતા મહાત્મા ગાંધી ,બાલ ગંગાધર તિલક ,સહિતના સ્વાતંત્ર્ય સેનાનીઓ માટે લગાડતી હતી.જે માટે તેઓને રાજદંડ કરાતો હતો.

પરંતુ વર્તમાન સંજોગોમાં આ કલમ અસ્થાને છે.તથા માત્ર પ્રાચીન અવષેસ સમાન છે.તેનો ઉપયોગ સરકારની નીતિ રીતિઓનો વિરોધ કરનાર નાગરિકો સામે થઇ રહ્યો છે. તેમજ નાગરિકોના વાણી સ્વાતંત્ર્ય વિરુદ્ધ આ કલમનો ઉપયોગ થઇ રહ્યો હોવાથી હવે તેને દૂર કરી દેવી જોઈએ.

ચીફ જસ્ટિસ શ્રી એસ.એ.બોબડે સહિત ત્રણ ન્યાયધિશોની ખંડપીઠે પિટિશન અમાન્ય રાખી હતી.તથા જણાવ્યું હતું કે અરજદારોને આ કલમ સાથે કંઈ લાગતું વળગતું નથી.તેથી વિવાદાસ્પદ કાયદાને છંછેડવાનો કોઈ અર્થ નથી.તેવું બી.એન્ડ બી.દ્વારા જાણવા મળે છે.

(1:01 pm IST)
  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST

  • રાજકોટ જીલ્લા પંચાયતની ૩૬ બેઠકોમાં ફોર્મ ભરવાના શ્રીગણેશ : આજે બપોરે અઢી વાગ્યે રાજકોટ જીલ્લા પંચાયતની ૧૪ - કસ્તુરબાધામ બેઠક ઉપર બીએસપીએ ઝૂકાવ્યુ છે : પક્ષમાં કરશનભાઈ લક્ષ્મણભાઈ પરમારે રીટર્નીંગ ઓફીસર ચરણસિંહ ગોહીલ સમક્ષ ફોર્મ રજૂ કર્યુ હતું : રાજકોટ જીલ્લા પંચાયત ચૂંટણીમાં બસપાએ ખાતુ ખોલાવ્યુઃ ૧ ફોર્મ ભરાયું : જીલ્લા પંચાયતની ચૂંટણી માટે આજે ૧૪-કસ્તુરબાધામ (ત્રંબા)માંથી બસપાના કરશનભાઈ લક્ષ્મણભાઈ પરમારે ફોર્મ ભર્યુ access_time 3:56 pm IST

  • દેશમાં કોરોના થાક્યો :નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો: રાત્રે 11 વાગ્યા સુધીમાં કોરોનાના નવા 12,169 કેસ નોંધાયા :કુલ કેસની સંખ્યા 1, 08,70,555 થઇ :એક્ટિવ કેસ 1,39,477 થયા: વધુ 11,441 દર્દીઓ સ્વસ્થ થતા કુલ 1,05, 71, 062 થયા : વધુ 94 લોકોના મોત સાથે કુલ મૃત્યુઆંક 1,55,375 થયા access_time 1:03 am IST