Gujarati News

Gujarati News

News of Monday, 8th February 2021

GOPIO મેનહટન ચેપટરના ઉપક્રમે કોવિદ -19 રસી વિષે જાણકારી અપાઈ : કોન્સ્યુલ જનરલ ઓફ ઇન્ડિયા ન્યુયોર્ક સાથેના સંયુક્ત ઉપક્રમે વર્ચ્યુઅલ પ્રોગ્રામ યોજાયો : નામાંકિત તબીબોએ વેક્સિનનું મહત્વ સમજાવ્યું

ન્યુયોર્ક : તાજેતરમાં 15 જાન્યુઆરી 2021 ના રોજ ' ગ્લોબલ ઓર્ગેનાઇઝેશન ઓફ ફિઝિશિયન્સ ઓફ ઇન્ડિયન ઓરિજીન ' ( GOPIO  ) મેનહટન ચેપટરના ઉપક્રમે કોન્સ્યુલેટ જનરલ ઓફ ઇન્ડિયા ન્યુયોર્કના સહકાર સાથે ઇન્ડિયન અમેરિકન પ્રજાજનોને કોવિદ -19 રસી વિષે  જાણકારી આપતો વર્ચ્યુઅલ પ્રોગ્રામ યોજાઈ ગયો .

કાર્યક્રમ ખુલ્લો મુકતા  ન્યુયોર્ક ખાતેના ભારતના કોન્સ્યુલ જનરલ શ્રી રણધીર જયસ્વાલે જણાવ્યું હતું કે મનુષ્યો ઉપરનો કોવિદ -19 નો પડકાર આપણે ઝીલી લીધો છે.તથા તેમાંથી હેમખેમ બહાર નીકળી જવામાં નવા વર્ષમાં આપણે સહુ આશાવાદી છીએ .

ડો.અર્નબ ઘોષ સંચાલિત આ વર્ચ્યુઅલ પ્રોગ્રામમાં ત્રણ નિષ્ણાત તબીબોની ટીમએ કોવિદ -19 વેક્સિનના મહત્વ વિષે સમજણ આપી હતી.જે અંતર્ગત કોવિદ -19 શું છે તે બાબતે ડો.મોનીકા શાહએ વિસ્તૃત સમજણ આપી હતી.તથા તેના મારણ માટે ઇમ્યુનીટી વધારી રહેલી વેક્સીન વિષે સમજૂતી આપી હતી.

ડો.સુનંદા ગૌરએ બાળકોને સ્કૂલે મોકલવામાં કોઈ હાનિ ન હોવાનું જણાવ્યું હતું.ડો.માધુરી રોયએ કોવિદ -19 ના ફેલાવા માટે વર્તમાન સંજોગોમાં લોકોના આંતર રાષ્ટ્રીય પ્રવાસને જવાબદાર ગણાવ્યા હતા.જે અગાઉના સમય કરતા વધુ હોવાથી રોગનો ફેલાવો વધ્યો હોવાનું જણાવ્યું હતું.તેવું ઈ .વે.દ્વારા જાણવા મળે છે.

(5:54 pm IST)
  • અધીર રંજન વિરૂધ્ધ વિશેષાધીકાર ભંગનો ઠરાવ સંસદમાં મૂકાયો : ગ્રેગ થનબર્ગ ઉપર નિવેદન કરવા અંગે ભાજપના સાંસદ પી.પી.ચૌધરીએ કોંગ્રેસના સાંસદ અધીર રંજન ચૌધરી વિરૂધ્ધ વિશેષાધીકાર ભંગની દરખાસ્ત લોકસભામાં રજૂ કરી છે. access_time 11:29 am IST

  • રાજકોટ મહાપાલિકા ચૂંટણીઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના અંગે હવે માત્ર મતદારો માટે મોજા લેવાનાઃ બાકીની તમામ વસ્તુઓ ગાંધીનગરથી આવશે : રાજકોટ મહાનગરપાલિકા ચૂંટણીમાં રાજ્ય ચૂંટણી પંચ દ્વારા ખર્ચના અસરકારક પગલાઃ હવે બુથ દીઠ ૪૦ને બદલે ૨૫ હજારનો ખર્ચઃ કોરોના સંદર્ભે હાથમોજા અને શોપ બોકસ લેવાના રહેશેઃ બાકી સેનેટાઈઝર, ફેસશિલ્ડ, માસ્ક વિગેરે તમામ વસ્તુ ગાંધીનગરથી ડાયરેકટ ફાળવાશેઃ રાજ્ય ચૂંટણી પંચ તરફથી આવેલી સૂચના access_time 3:05 pm IST

  • મહારાષ્ટ્ર: થાણે (વેસ્ટ) ના મુલુંડ ચેક નાકા પાસે મોડેલ્લા કોલોનીમાં મોદી સાંજે ભયંકર આગ ફાટી નીકળી છે. ટ્રાફિક પોલીસ અધિકારીઓ અને અગ્નિશમન તંત્રે સ્થળ પર પહોંચીને બચાવ કામગીરી ચાલુ કરી છે. હજી સુધી કોઈ જાનહાનિના અહેવાલ થઈ નથી. access_time 9:15 pm IST