Gujarati News

ન્યુજર્સીઃ યુ.એસ.ના જર્સી સીટીમાં રહેતા ૬૨ વર્ષીય રાજેન્દ્ર મહારાજનો મૃતદેહ રહસ્યમય સંજોગોમાં ૨૭ ફેબ્રુ. ૨૦૧૬ના રોજ તેના એપાર્ટમેન્ટમાંથી મળી આવ્યો હતો. તેની હત્યા ખુદ તેના ભાઇ ૬૦ વર્ષીય ગંગારામ મહરાજે કરી હોવાના આરોપસર કોર્ટમાં ચાલી રહેલા કેસમાં વધુ એક મુદ્દત પડી છે. જે મુજબ ૫ નવે.ના રોજ કેસ આગળ ચલાવાશે.

આરોપીના વકીલએ જણાવ્યા મુજબ મૃતકના ગળા ઉપર થયેલી ઇજાના નિશાના આરોપીના હોવાનું પૂરવાર થતુ નથી. હાલમાં આરોપી જેલમાં છે. તે નિવૃત ફાર્માસીસ્ટ છે. મૃતકને આલ્કોહોલનું સેવન કરવાની ટેવ હતી. પરિણામે તેના જ એપાર્ટમેન્ટમાં રહેતા તેની હત્યાના આરોપી ભાઇને અવારનવાર તેની સાથે ઘર્ષણ થતુ હતું.