Gujarati News

Gujarati News

News of Tuesday, 4th December 2018

યુ.એસ.માં ''ગુજરાત કલ્ચરલ એશોશિએશન ઓફ શિકાગો''ના ઉપક્રમે ૧૭ નવેં.૨૦૧૮ના રોજ દિવાળી ઉત્સવ ઉજવાયોઃ મ્યુઝીકલ મેલોડી ગૃપના મનોરંજન સહિત પરંપરાગત કાર્યક્રમોથી વિશાળ સંખ્યામાં ઉપસ્થિત ગુજરાતી પરિવારો ખુશખુશાલ

શિકાગોઃ યુ.એસ.માં ગુજરાત કલ્ચરલ એશોશિએશન શિકાગોના ઉપક્રમે ૧૭ નવેં.૨૦૧૮ના રોજ લોકપ્રિય તહેવાર દિવાળી ઉત્સવ ઉજવાઇ ગયો. જેમાં મિડોસ કલબ,2950 W. ગોલ્ફ રોડ, રોલીંગ મિડોસ, ઇલિનોઇસ મુકામે કરાયેલી ઉજવણીમાં મ્યુઝીકલ મેલોડી ગૃપના પ્રોગ્રામએ ઉપસ્થિત પરિવારોને ખુશખુશાલ કરી દીધા હતા.

શ્રીમતિ અમિશા પટેલએ સહુ ઉપસ્થિતો તથા બેંકવેટ ચેર શ્રી જયોતિન્દ્ર પટેલ, શ્રી કાંતિભાઇ પટેલ સહિતનાઓનું સ્વાગત કર્યુ હતું. દીપ પ્રાગટય ચિફ ગેસ્ટ ડો.રશ્મિ પટેલ, શ્રી જે.બી.ભટ્ટી, કોન્સ્યુલેટ ઓફિસના પ્રતિનિધિ, શ્રી કાંતિ એસ.પટેલ, તથા તેમના પત્ની શ્રીમતિ જયોતિ પટેલ, શ્રી જયોતિન્દ્ર પટેલ તથા તેમના પત્ની શ્રીમતિ ગીતા પટેલ સહિતના મહાનુભાવોના વરદ હસ્તે કરાયું હતું

આ તકે ગુજરાતના સપૂત મહાત્મા ગાંધીને શ્રધ્ધાંજલી આપવામાં આવી હતી. ઇલિનોઇસ સર્કિટ કોર્ટના કલાર્ક શ્રી ડોરોથી બ્રાઉનને સ્ટેજ ઉપર બોલાવી સન્માન કરાયું હતું. જેઓ આ એશોશિએશન દ્વારા થઇ રહેલી દિવાળી ઉત્સવની ઉજવણીથી પ્રભાવિત થયા હતા. તેમણે સહુને નવા વર્ષની શુભેચ્છા પાઠવી હતી.

ઉલ્લેખનીય છે કે ગુજરાત કલ્ચર એશોશિએશનની સ્થાપના ૧૯૭૩ની સાલમાં થઇ હતી. જેના ફાઉન્ડીંગ મેમ્બર શ્રી શંકરભાઇ પટેલ, શ્રી લાલુભાઇ પટેલ, શ્રી બાબુભાઇ પટેલ, સહિતના ગુજરાતીઓ હતા. આ એશોશિએશન શિકાગો મેટ્રોપોલિટન એરીયાનું સહુપ્રથમ અને સૌથી મોટુ સંગઠન ગણાય છે. તેવું શ્રી સુરેશ તથા સુશ્રી ઉષા બોડીવાલાની યાદી દ્વારા જાણવા મળે છે. 

(9:25 pm IST)
  • ઇતિહાસકાર રામચંદ્ર ગુહાએ બીફ ખાતા પોસ્ટ કર્યો ફોટો ;કહ્યું ભાજપ શાસિત ગોવામાં જશ્ન માનવી રહયો છું :રામચંદ્ર ગુહા ભાજપની નીતિઓના ટીક્કાકાર છે :આગાઉ અમદાવાદ યુનિવર્સીટીમાં ભણાવવા ઇન્કાર કર્યો હતો : ગુહાએ ટ્વીટ કર્યું કે જુના ગોવામાં જાદુઈ સવાર ગુજાર્યા બાદ પણજીમાં લંચ કર્યું :ગોવા ભાજપ શાસિત છે એટલા માટે જશ્નમાં મેં બીફ ખાવા નિર્ણંય કર્યો :ગુહાએ ગોવાની કેટલીક તસવીરો પણ પોસ્ટ કરી હતી access_time 12:36 am IST

  • વડોદરા :વાઘોડીયામાં દારૂની મહેફિલ માણતા નબીરાઓ ઝડપાયા :જગદીશ શાહના ફાર્મ હાઉસમાં હતી મહેફિલ :વાઘોડીયા પોલીસે મહેફિલમાં ભંગ પાડ્યો :લગ્નપ્રસંગ પૂર્વે યોજાઈ હતી દારૂની મહેફિલ :ભારતીય બનાવટની દારૂ, 4 કાર સહિત 18 લાખનો મુદ્દામાલ કર્યો જપ્ત : પોલીસે 14 નબીરાઓની કરી ધરપકડ access_time 3:24 pm IST

  • પોરબંદર :રાણાબોરડી ગામેથી બોગસ ડોક્ટરને ઝડપી પાડતી પોરબંદર એલસીબી: કોઈપણ પ્રકારની ડિગ્રી વગર એલોપેથીક દવાઓ સાથે કરતો હતો પ્રેક્ટીસ:બોગસ ડોક્ટર વિરુદ્ધ ગુજરાત મેડીકલ પ્રેકટીશનર એક્ટ મુજબ રાણાવાવ પોલીસ સ્ટેશન ખાતે નોંધાયો ગુનો access_time 3:30 pm IST