Gujarati News

સાઉથ કેરોલિના : અમેરિકાના સાઉથ કેરોલિનામાં છેલ્લા 20 વર્ષથી સ્ટોર ચલાવતા ઇન્ડિયન અમેરિકન સી.જે.પટેલના સ્ટોરમાંથી ખરીદાયેલી લોટરી ટિકિટને 1.5 બિલિયન ડોલરનું ઇનામ લાગ્યાના સમાચાર વાયુવેગે દેશમાં ફરી વળ્યાં છે.પરંતુ હજુ સુધી આ લોટરીના કોઈ વિજેતા જૅકપૉટની રકમ લેવા નહીં આવતા અનેક તર્ક વિતર્ક સર્જાયા છે.

કદાચ લોટરી લીધા પછી મૃત્યુ થયું હોય ,કદાચ ટિકિટ ખોવાઈ ગઈ હોય ,કદાચ જેકપોટ વિજેતાને પોતે લોટરી જીત્યાની ખબર ન પણ હોય તેવા અનેક અનુમાનો થઇ રહ્યા છે. આ બધાની વચ્ચે લોટરી વિક્રેતા ઇન્ડિયન અમેરિકન માટે ભારે વિટમ્બણા ઉભી થઇ છે.કારણકે તેને મળતું 50 હજાર ડોલરનું બોનસ અટકી પડ્યું છે.જોકે લોટરી રજૂ કરવાની છેલ્લી તારીખ 19 એપ્રિલ હોવાથી લોટરી વિજેતા હાજર થવાની રાહ જોવાઈ રહી છે.તેવું સમાચાર સૂત્રો દ્વારા જાણવા મળે છે.