Gujarati News

Gujarati News

News of Saturday, 3rd November 2018

ટ્રમ્પ સરકારે H-1B વિઝા નિયમો વધુ કડક બનાવ્યા : નવા વિદેશી કુશળ કર્મચારીઓને સ્પોન્સર કરતી વખતે કંપનીઓએ ડિપાર્ટમેન્ટ ઓફ લેબરની મંજૂરી મેળવવી પડશે :સ્પોન્સર કરેલા કર્મચારીઓની તમામ વિગત રજૂ કરવી પડશે

વોશિંગટન :વિદેશી કુશળ કર્મચારીઓને અમેરિકા જવા માટે અપાતા H-1B વિઝા નિયમો ટ્રમ્પ સરકારે વધુ કડક બનાવ્યા છે.જે મુજબ વિઝા મંજુર કરાવવાની પ્રક્રિયા માટે કર્મચારીઓને સ્પોન્સર કરતી કંપનીઓએ કેટલા કુશળ કર્મચારીઓને સ્પોન્સર કર્યા તથા નિમણુંક આપી તેની વિગત પણ હવે આપવી પડશે. તેથી આવા કર્મચારીઓને સ્પોન્સર કરવા માંગતી કંપનીએ ડિપાર્ટમેન્ટ ઓફ લેબર સમક્ષ ઉપરોક્ત વિગત રજૂ કરી મંજૂરી મેળવવી પડશે.

  મંજૂરી મેળવવા માટે  નવા સ્પોન્સર કરનારા  કર્મચારીઓની વિગત તેમજ તેમની નિમણૂકનું સ્થળ તેમજ નિમણૂકનો ગાળો  સહિતની વિગતોનો સમાવેશ થાય છે.ઉપરાંત તેની શૈક્ષણિક લાયકાત પણ દર્શાવવાની રહેશે.એટલું નહીં અત્યાર સુધીમાં કેટલા કર્મચારીઓને નિમણુંક આપી તેની અંદાજિત સંખ્યા તથા સ્થળ પણ દર્શાવવાના રહેશે.નવા અરજી ફોર્મ ટૂંક સમયમાં ઓફિસ ઓફ ફોરેન લેબરની વેબસાઈટ ઉપર ઉપલબ્ધ કરાવાશે તેવું સમાચાર સૂત્રો દ્વારા જાણવા મળે છે.

(9:08 am IST)
  • અમદાવાદ:દિવાળીને લઈને પોલીસની પ્રેસ કોન્ફરન્સમાં ક્રાઈમબ્રાન્ચ JCP જે.કે. ભટ્ટે કહ્યું કે ફટાકડા અંગેના જાહેરનામાનો ભંગ કરનાર સામે કાર્યવાહી થશે:120 જેટલી હોક મોબાઈલ તૈયાર કરાઈ:રાત્રે 8થી 10 દરમિયાન જ ફટાકડા ફોડવા જાહેરનામું access_time 11:44 pm IST

  • ગાંધીનગર:લોકસભા ચૂંટણીને લઈને ગાંધીનગરમાં બેઠક :ઉત્તર ઝોન બાદ સૌરાષ્ટ્ર ઝોનની સમીક્ષા બેઠક યોજાશે :નવ નિયુક્ત પ્રભારી અને અન્ય હોદ્દેદારો બેઠકમાં હાજર :બેઠકમાં મુખ્યમંત્રી વિજયભાઈ રૂપાણી ,નાયબ મુખ્યમંત્રી નીતિનભાઈ પટેલ,પ્રદેશ ભાજપ અધ્યક્ષ જીતુભાઇ જીતું વાઘાણી,અને ભુખુભાઇ સહિતના નેતાઓની હાજર:સીએમના બંગલે મળી બેઠક access_time 3:43 pm IST

  • દિલ્હી:અખિલ ભારતીય સંત સમિતિ દ્વારા રામ મંદિર નિર્માણને લઈ સંત સમાજની બોલાવાઈ બેઠક:રામ મંદિર નિર્માણની રણનિતી બનાવવા હેતુ દિલ્હીમા બે દિવસીય બેઠક :દેશભરના ૩૦૦૦ થી વધુ સંતોને અપાયું આમંત્રણ:દિલ્હીના તાલકટોરા સ્ટેડિયમમાં સવારે ૧૧ કલાકે યોજાશે ધર્માદેશ access_time 3:45 pm IST