Gujarati News

કેલિફોર્નિયાઃ યુ.એસ.માં તાજેતરમાં ૧૬ માર્ચ ૨૦૧૯ના રોજ સાન જોસ કેલિફોર્નિયા મુકામે અમેરિકન ઇન્ડિયા ફાઉન્ડેશન (AIF)નો ૧૮મો વાર્ષિક બે એરીયા ગાલા પ્રોગ્રામ યોજાઇ ગયો. જેમાં મહિલા સશકિતકરણ માટે ૧.૫ મિલીયન ડોલરનું ફંડ ભેગુ થઇ ગયું હતું. AIF કો.ફાઉન્ડર સુશ્રી લતા ક્રિશ્નનએ સમાચાર સૂત્રોને જણાવ્યા મુજબ આ ફાઉન્ડેશન દ્વારા ભારતમાં વસતિ મહલિાઓને આરોગ્ય સેવાઓ પૂરી પાડવામાં આવે છે. જે અંતર્ગત મહિલાઓને આર્થિક રીતે પગભર કરવા ઉપરાંત પ્રસૂતિ સમયે થતા મૃત્યુનો દર ઘટાડવાનો, નવજાત શિશુના મૃત્યુદર ઘટાડવાનો સહિત આરોગ્ય સેવાઓ પૂરી પાડવામાં આવે છે જે માટે ભારત સ્થિત જુદા જુદા ૨૨૦ ઓર્ગેનાઇઝેશન સાથે પાર્ટનરશીપ કરવામાં આવી છે.