Gujarati News

Gujarati News

News of Monday, 30th November 2020

૩૧ ડીસેમ્બર સુધી અમલ

કાલથી ઉદયપુર સહિત ૧૩ જિલ્લાઓમાં નાઈટ કફર્યૂ

જયપુર, તા.૩૦: રાજસ્થાન સરકારે કોરોનાના સંક્રમણ નિયંત્રણ માટે આગામી ૧લી ડિસેમ્બરથી ૩૧ ડિસેમ્બર સુધી રાજયના તમામ મુખ્ય શહેરોમાં નાઈટ કર્ફ્યૂ લાગુ કરી દેવાયું છે. રાજસ્થાન સરકાર મુજબ જયપુર, કોટા, જોધપુર, બીકાનેર, ઉદયપુર, અજમેર, ભીલવાડા, નાગૌર, પાલી, ટોંક, સીકર અને ગંગાનગર જિલ્લાની શહેરી હદમાં રાત્રે ૮ વાગ્યાથી લઈને સવારે ૬ વાગ્યા સુધી કર્ફ્યૂ લાગુ રહેશે.

રાજય સરકાર મુજબ, કોરોનાના કેસની વધી રહેલી સંખ્યાને જોતા આ નિર્ણય લેવામાં આવ્યો છે. આ જિલ્લોમાં શહેરી હદમાં માર્કેટ, કામના સ્થળ અને વેપારી સંસ્થાઓને સાંજે ૭ વાગ્યે જ બંધ કરવામાં આવશે. આ ઉપરાંત કન્ટેનમેન્ટ ઝોનમાં ૩૧ ડિસેમ્બર સુધી લોકડાઉન લાગુ રહેશે. માત્ર જરૂરી ગતિવિધિઓને જ મંજૂરી રહેશે. રાજસ્થાન સરકાર મુજબ કોરોનાના દર્દીઓની તપાસ કરવા માટે આ દરમિયાન કન્ટેનમેન્ટ ઝોનમાં દ્યરે દ્યરે જઈને ચેકિંગ કરવામાં આવશે.

રાજસ્થાનમાં સ્કૂલ, કોલેજ, શૈક્ષણિક સંસ્થાઓ અને કોચિંગ ઈન્સ્ટીટ્યૂટ ૩૧ ડિસેમ્બર સુધી બંધ રહેશે. થિયેટર્સ, મલ્ટીપ્લેકસ પણ બંધ રહેશે. રાજય સરકારે સામાજિક, રાજકીય, સ્પોર્ટ્સ અને સાંસ્કૃતિક તથા ધાર્મિક કાર્યક્રમો પર પણ ૩૧ ડિસેમ્બર સુધી પ્રતિબંધ લગાવ્યો છે.

જોકે રાજસ્થાનની સરકારે કેમિસ્ટ કંપનીઓ, દવા દુકાનો, મેડિકલ ક્ષેત્ર સાથે સંકળાયેલી સંસ્થાઓને આ પ્રતિબંધમાં છૂટ આપી છે. બસ સ્ટેન્ડથી આવનારા અને જનારા, એરપોર્ટ જનારા પેસેરન્જરોને પણ આ પ્રતિબંધથી છૂટ અપાઈ છે.

ઉલ્લેખનીય છે કે હાલમાં કોરોના વાયરસના કેસો દિવાળી બાદ મહારાષ્ટ્ર, દિલ્હી, ગુજરાત તથા રાજસ્થાનમાં મોટા પ્રમાણમાં જોવા મળી રહ્યા છે. ગુજરાતમાં પણ સરકાર દ્વારા કોરોનાના કેસોને જોતા અમદાવાદ, વડોદરા, રાજકોટ તથા સુરતમાં રાત્રી કર્ફ્યૂ લાગુ કરવામાં આવેલું છે.

(3:43 pm IST)
  • વલસાડ: દરિયા કિનારે અલ મદદ નામની બોટ મળી આવતા સ્થાનિકોમાં ભયનો માહોલ : પોલીસે ઘટના સ્થળે પહોંચી શંકાસ્પદ બોટ મામલે તપાસ હાથ ધરી access_time 1:08 pm IST

  • દિલ્હીમાં કોરોના ટેસ્ટના ભાવમાં ધરખમ ઘટાડો: દિલ્હીમાં આરટી-પીસીઆર પરીક્ષણના ભાવ રૂ. ૨૪૦૦ થી ઘટીને રૂ. ૮૦૦ થઈ ગયાનું કેજરીવાલની "આપ" સરકારનું કહેવું છે. access_time 8:52 pm IST

  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST