Gujarati News

Gujarati News

News of Monday, 30th November 2020

વ્હાઇટ હાઉસના ઉચ્ચ પદ ઉપર ઇન્ડિયન અમેરિકન મહિલા સુશ્રી નીરા ટંડનની નિમણુંક કરવા જો બિડનની તૈયારી : ઓફિસ ઓફ મેનેજમેન્ટ એન્ડ બજેટ ડિરેક્ટર તરીકે નિમણુંક આપશે : સેનેટ દ્વારા બહાલી મળશે તો આ હોદા ઉપર સૌપ્રથમ અશ્વેત મહિલાના વિક્ર્મનું સર્જન થશે

વોશિંગટન : અમેરિકાના પ્રેસિડન્ટ તરીકે ચૂંટાઈ આવેલા જો બિડન ઇન્ડિયન અમેરિકન  મહિલા સુશ્રી નીરા ટંડનની વ્હાઇટ હાઉસના ઉચ્ચ પદ ઉપર નિમણુંક કરવા  તૈયારી કરી રહ્યા હોવાનું જાણવા મળે છે.સુશ્રી નીરાને ઓફિસ ઓફ મેનેજમેન્ટ એન્ડ બજેટ ડિરેક્ટર તરીકે નિમણુંક અપાશે.જે વ્હાઇટ હાઉસનો ખુબ ઉંચો અને મહત્વનો હોદ્દો ગણાય છે તેવું સ્થાનિક સમાચાર સૂત્રોએ જણાવ્યું છે.

જો યુ.એસ. સેનેટમાં ભારતીય મૂળના મહિલા 50 વર્ષીય  સુશ્રી નીરાની નિમણૂકને બહાલી મળશે તો આ હોદા ઉપર બિરાજમાન થનાર તેઓ સૌપ્રથમ અશ્વેત મહિલા બનશે.હાલમાં તેઓ સેન્ટર ઓફ અમેરિકન પ્રોગ્રેસ ચીફ એક્ઝિક્યુટિવ તરીકે સેવાઓ આપી રહ્યા છે.તેવું ધ ટ્રિબ્યુન દ્વારા જાણવા મળે છે.

(1:14 pm IST)
  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST

  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST