Gujarati News

Gujarati News

News of Monday, 30th November 2020

એક વર્ષમાં 23 બાળકોના ‘પિતા’ બનેલા યુવક એલન ફાન સામે કાયદાના ભંગની ફરિયાદ :કરાશે કાર્યવાહી

એલનને જોઈને જ યુવતીઓ થઈ જાય છે ‘ફિદા’: એલન કહે છે મહિલાઓને ઈન્કાર કરવો અત્યંત મુશ્કેલ

નવી દિલ્હી : સામાન્ય રીતે કોઈ વ્યક્તિ એક વર્ષમાં એક બાળકનો જ પિતા બની શકે છે, પરંતુ એક યુવક એક વર્ષમાં 23 બાળકોનો પિતા બન્યો છે.જાણીને નવાઈ લાગશે, પરંતુ એક યુવક ખરેખર એક જ વર્ષમાં 23 બાળકોનો જૈવિક પિતા બની ગયો છે

 શરૂઆતમાં યુવકે શોખથી સ્પર્મ ડૉનેટ કર્યાં, પરંતુ પાછળ તેણે સ્પર્મ ડોનેશનને  ફૂલ ટાઈમ જૉબ બનાવી લીધી. હવે યુવકની આ હરકત પર તપાસ શરૂ થઈ ગઈ છે

   એ કિસ્સો ઑસ્ટ્રેલિયાનો છે. જ્યાં એલન ફાન નામનો યુવક સ્પર્મ ડોનેટ કરવા બદલ ખૂબ જ પ્રખ્યાત થઈ ચૂક્યો છે. આ યુવકનું કહેવું છે કે, મહિલાઓ તેમના વંશ અને સ્પર્મ સ્વસ્થ હોવાના કારણે તેમને પસંદ કરે છે

   મીડિયા રિપોર્ટ અનુસાર, એલન ખુદ બે બાળકોને પિતા છે, પરંતુ તેણે ખાનગી રીતે સ્પર્મ ડોનેટ કરીને 23 બાળકો પેદા કર્યાં છે. તે રજિસ્ટર્ડ ફર્ટિલિટી સેન્ટરમાં પણ સ્પર્મ ડોનેટ કરતો રહે છે.

   ઑસ્ટ્રેલિયાના બ્રિસ્બેનમાં રહેતા 40 વર્ષના એલનની તપાસ કરવામાં આવી રહી છે. કેટલીક ફર્ટિલિટી ક્લિનિકે જ એલન વિશે ફરિયાદ કરી હતી. એલન પર આરોપ છે કે, તેણે કાયદેસર ક્લિનિક સિવાય અંગત રીતે સ્પર્મ ડોનેટ કર્યાં અને સરકારે નક્કી કરેલી સંખ્યા કરતાં વધુ બાળકો પેદા કર્યા.

ઑસ્ટ્રેલિયાના વિક્ટોરિયા કાયદા અંતર્ગત એક પુરુષ માત્ર 10 ફેમિલી ક્રિએટ કરી શકે છે. જ્યારે એલનનું  કહેવું છે કે, મહિલાઓને ઈન્કાર કરવા તેના માટે મુશ્કેલ કામ છે. આજ કારણે તેણે એક દિવસમાં ત્રણ મહિલાઓને પણ સ્પર્મ ડોનેટ કર્યાં.

(10:32 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST

  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST