Gujarati News

નવી દિલ્‍હી તા. ૨૯ :  વર્ષ ૨૦૨૩-૨૪ માટે એક ફેબ્રુઆરીએ રજૂ સામાન્‍ય બજેટમાં કેન્‍દ્ર સરકારે અનેક ઉત્‍પાદો પર કસ્‍ટમ-ઈમ્‍પોર્ટ ડ્‍યુટીનેﾠવધારી દેવામાં આવી છે. સાથે જ અમુક સામાનો માટે તેને ઘટાડી દેવામાં આવી હતી. તેની સીધી અસર તેની કિંમતો પર ૧ એપ્રિલ ૨૦૨૩ થી પડશે. કેન્‍દ્ર સરકારે ઘરેલુ ઇન્‍ડસ્‍ટ્રીને પ્રોત્‍સાહન આપવા માટે પ્રાઇવેટ એરક્રાફટ, હેલિકોપ્‍ટર, હાઈ-એન્‍ડ ઇલેક્‍ટ્રોનિક્‍સ, જવેલરી, હાઈ-ગ્‍લોસ પેપર અને વિટામિનની દવાઓﾠપરની ઈમ્‍પોર્ટ ડ્‍યુટીને વધારી દેવામાં આવી છે. જેનાથી આવતા મહિને તેના ભાવ વધી શકે છે. નવા નાણાંકીયﾠવર્ષમાં ઇલેકટ્રીકﾠચીમની, ગોલ્‍ડ-પ્‍લેટિનમની કિંમતો વધારી દેવામાં આવશે.

નવા નાણાંકીયﾠ વર્ષ ૨૦૨૩-૨૪ માટે કેન્‍દ્ર સરકારે કપડાં, ફ્રોઝન મસ્‍લસ, ફ્રોઝન સ્‍કવીડ, હિંગ અને કોકો બીન્‍સﾠપર કસ્‍ટમ ડ્‍યુટીનેﾠઘટાડી દીધી છે. તેનાથી તેના ભાવ ઘટવાની આશા છે. આ ઉપરાંત એસિટિક એસિડ, લેબ ગ્રોન ડાયમંડના સીડ્‍સ, પેટ્રોલિયમ પ્રોડક્‍ટમાંﾠઉપયોગ થનારા કેમિકલ્‍સ અને મોબાઈલનાﾠકેમેરા લેન્‍સ પર કસ્‍ટમ ટેક્‍સને ઘટાડી દીધી હતી. સામાન્‍ય બજેટમાં થયેલાﾠઆ બદલાવને એક એપ્રીલથી લાગુ કરવામાં આવશે. જેનાથી અનેક ઉત્‍પાદોનાﾠભાવ વધ-ઘટ થશે.