Gujarati News

નવી દિલ્‍હી તા. ૨૯ : કર્ણાટકમાં વિધાનસભા ચૂંટણીનું બ્‍યુગલ વાગી ગયું છે. કર્ણાટકમાં આજે ચૂંટણીની તારીખો જાહેર કરવામાં આવી છે. કર્ણાટક વિધાનસભાની ચૂંટણી ૧૦મીએ વિધાનસભા ચૂંટણી યોજાશે. એક જ તબક્કામાં થશે મતદાન, ૧૩મીના રોજ પરિણામ આવશે. કર્ણાટક વિધાનસભાની ચૂંટણીને ૨૦૨૪ની સેમિફાઇનલ તરીકે ગણવામાં આવી રહી છે. જયારે ભાજપ દક્ષિણ ભારતમાં તેનો એકમાત્ર ગઢ જાળવી રાખવા માટે સંઘર્ષ કરી રહી છે, ત્‍યારે કોંગ્રેસ મિશન-દક્ષિણ હેઠળ કર્ણાટકમાં સત્તા પર પાછા ફરવા માટે બેતાબ છે. જેડીએસ ફરી એકવાર કિંગમેકર બનવાની લડાઈ લડી રહી છે.રાજયના લોકો જ નહીં પરંતુ સમગ્ર દેશની નજર કર્ણાટક ચૂંટણી પર છે.

ચૂંટણી પંચે કહ્યું છે કે કર્ણાટકમાં કુલ ૫.૨૨ કરોડ મતદારો છે. ૮૦ વર્ષથી વધુ ઉંમરના મતદારોને પ્રથમ વખત ઘરેથી મતદાન કરવાની સુવિધા આપવામાં આવશે. મુખ્‍ય ચૂંટણી કમિશનર રાજીવ કુમારની પત્રકાર પરિષદમાં માહિતી આપી છે કે રાજયમાં કુલ ૫,૨૧,૭૩,૫૭૯ મતદારો છે.  મુખ્‍ય ચૂંટણી કમિશનર રાજીવ કુમારે કહ્યું કે કર્ણાટક વિધાનસભાનો કાર્યકાળ ૨૪ મેના રોજ સમાપ્ત થઈ રહ્યો છે. આ પહેલા ચૂંટણી પ્રક્રિયા પૂરી થઈ જશે. ચૂંટણી પંચનું લક્ષ્ય નિષ્‍પક્ષ ચૂંટણી કરાવવાનું છે. ચૂંટણી પંચે કહ્યું છે કે કર્ણાટકમાં ૯.૧૭ લાખ નવા મતદારો છે જેઓ પ્રથમ વખત મતદાન કરશે. ૨૪મી મે પહેલા ચૂંટણી પ્રક્રિયા પૂર્ણ થઈ જશે. રાજયમાં કુલ ૫,૨૧,૭૩,૫૭૯ મતદારો છે. કર્ણાટકમાં ૯.૧૭ લાખ નવા મતદારો ઉમેરાયા છે.  ૧૦૦ વર્ષથી વધુ ઉંમરના ૧૬ હજારથી વધુ મતદારો. ૮૦ વર્ષથી વધુ ઉંમરના મતદારો ઘરે બેઠા મતદાન કરી શકશે. જેઓ ૧ એપ્રિલે ૧૮ વર્ષના થશે તેઓ પણ મતદાન કરી શકશે. આવા ૨૨૪ બૂથ બનાવવામાં આવ્‍યા છે, જેમાં યુવા કાર્યકરોને તૈનાત કરવામાં આવશે. ૧૦૦ બુથ પર દિવ્‍યાંગ કર્મચારીઓ તૈનાત રહેશે.

કર્ણાટક વિધાનસભા ચૂંટણી કુલ ૫.૨૧ કરોડ મતદારો છે, જેમાં ૨.૬૨ કરોડ પુરૂષ અને ૨.૫૯ કરોડ મહિલાઓનો સમાવેશ થાય છે મુખ્‍ય ચૂંટણી કમિશનર રાજીવ કુમારે કહ્યું કે કર્ણાટક વિધાનસભાનો કાર્યકાળ ૨૪ મેના રોજ સમાપ્ત થઈ રહ્યો છે, તેથી અમારે કોઈપણ સંજોગોમાં તે પહેલા ચૂંટણી પૂર્ણ કરવી પડશે.નવા મતદારો, આદિવાસી જૂથો અને ટ્રાન્‍સજેન્‍ડર પર વિશેષ ભાર મૂકવામાં આવશે. ૧૨.૧૫ લાખથી વધુ મતદારો ૮૦ વર્ષની વય જૂથના છે. ૨૭૬ મતદારો ૧૦૦ વર્ષથી વધુ ઉંમરના છે. ચૂંટણી પંચ તેમના માટે ખાસ આઉટરીચ કરશે. કુલ ૫.૨૧ કરોડ મતદારો છે, જેમાં ૨.૬૨ કરોડ પુરૂષો અને ૨.૫૯ કરોડ મહિલાઓ છે.

કર્ણાટક વિધાનસભા ચૂંટણીમાં રાજયમાં ૫૮,૦૦૦થી વધુ મતદાન મથકો હશે. જેમાં ૨૮,૮૬૬ શહેરી મતદાન મથકો હશે. ચૂંટણી પંચે જણાવ્‍યું હતું કે ૧,૩૦૦થી વધુ મતદાન મથકો ફક્‍ત મહિલાઓ દ્વારા સંચાલિત કરવામાં આવશે. આવા ૨૨૪ બૂથ બનાવવામાં આવ્‍યા છે, જેમાં યુવા કાર્યકરોને તૈનાત કરવામાં આવશે. ૧૦૦ બુથ પર દિવ્‍યાંગ કર્મચારીઓ તૈનાત રહેશે.

કર્ણાટકમાં કુલ ૨૨૪ વિધાનસભા બેઠકોમાંથી, ૩૬ અનુસૂચિત જાતિ અને ૧૫ અનુસૂચિત જનજાતિ માટે અનામત છે, ૧૭૩ બેઠકો સામાન્‍ય શ્રેણી હેઠળ છે. મુખ્‍ય ચૂંટણી કમિશનર રાજીવ કુમારે જણાવ્‍યું હતું કે ૧ એપ્રિલ સુધીમાં ૧૮ વર્ષના તમામ યુવા મતદારો કર્ણાટક વિધાનસભા ચૂંટણીમાં મતદાન કરી શકશે.