Gujarati News

નવી દિલ્હીઃ રિલાયન્સ જિયોએ ગ્રાહકોને ગિફ્ટ આપી છે જિયો પ્રાઈમ મેમ્બરશિપને એક વર્ષ માટે વધારી દીધી છે 31 માર્ચ 2018 સુધી જેમણે પણ જિયો પ્રાઈમ મેમ્બરશિપ લીધી હશે તેઓ આગામી એક વર્ષ સુધી એટલે કે 31 માર્ચ 2019 સુધી કોઈ વધુ ચાર્જ આપ્યા વગર જિયોની સર્વિસનો લાભ મેળવી શકશે.

જિયોની પ્રાઇમ મેમ્બરશિપની મુદત 31 માર્ચ 2018ના રોજ પૂરી થતી હતી. કંપનીએ જણાવ્યું છે કે આગામી એક વર્ષ સુધી ફ્રી મેમ્બરશિપ માટે હાલના કસ્ટમર્સે ફરીવાર એક્ટિવ કરાવવું પડશે. તે માટે પ્રાઇમ મેમ્બરે જિયો એપ પર વિઝિટ કરવાનું રહેશે. માયજિયો એપમાં જતા તેમાં 12 મહિનાની કોમ્પ્લિમેન્ટરી મેમ્બરશિપનો ઓપ્શન આવશે. આ ઓપ્શને પસંદ કરવાનો રહેશે. તે પછી તમારું જિયો પ્રાઇમ સબસ્ક્રિપ્શન ચાલુ રહેશે.

આ ઓફર સીમિત સમય ગાળા માટે છે. આ સીમિત સમયગાળો કેટલો છે તેની કોઇ જાણકારી કંપનીએ આપી નથી. જો કોઇએ હજુ સુધી પ્રાઇમ મેમ્બરશિપ ન લીધી હોય તો તેઓ 1 એપ્રિલ કે તે પછી લઇ શકે છે. જિયો પ્રાઇમ મેમ્બરશિપ તેમને 99 રૂપિયામાં મળશે અને તેઓ પણ એક વર્ષ આ સર્વિસનો યુઝ કરી શકશે. એક રીતે જોઇએ તો નવા જિયો પ્રાઇમ મેમ્બરને પણ કોઇ નુકસાન થવાનું નથી.