Gujarati News

મુંબઇ તા. ૩૦ : મુંબઈ એરપોર્ટ પરથી કસ્ટમ વિભાગે ૧૫ કિલો સોના સાથે એક શખ્સની ધરપકડ કરી છે. આરોપી ૧૫ કિલો સોનું હોંગકોંગથી લાવ્યો હોવાનું સામે આવ્યું છે. કોરિયન નાગરિક કિમ્યૂનશજગે સોનું છૂપાવવા માટે ખાસ એક જેકેટ સિવડાવ્યું હતું. જેમાં ૧-૧ કિલો સોનાના ૧૫ બિસ્કીલ છૂપાવીને રાખ્યા હતા.ઝડપાયેલા સોનાની કિંમત ૪.૧૫ કરોડ રૂપિયા આંકવામાં આવી છે. ઝડપાયેલો શખ્સ હોંગકોંગથી કેથી પેસિફિક ફલાઈટ નંબર CX663 દ્વારા મુંબઈ આવ્યો હતો. ત્યારે કસ્ટમ વિભાગે આરોપી સોનું કોના કહેવા પર લાવ્યો હતો અને કોને આપવા માટે આવ્યો હતો તે દિશામાં તપાસ હાથ ધરી છે.(૨૧.૯)