Gujarati News

મુંબઈઃ આકાશમાં ત્રણ પ્લેન અથડાવાના હતા પરંતુ એર ટ્રાફિક કંટ્રોલર્સ (ATC)ની ઓટોમેટિક વોર્નિગ અને વારંવાર અપડેટને કારણે આ સંભવિત મોટી ઘટનાને રોકી શકાઈ હતી. એક અધિકારીએ શુક્રવારે જણાવ્યું કે 23 ડિસેમ્બરે ત્રણ વિદેશી પ્લેન દિલ્હીના ફ્લાઈટ ઈન્ફોર્મેશન રીઝનમાં આવી ગયા હતા.

ત્રણેય ફ્લાઈટ વિદેશી હતી

અધિકારીઓના મતે, આ ત્રણ પ્લાઈટ્સ તાઈવાનની ઈવા એર, અમેરિકાની નેશનલ એરલાયન્સ અને ડચ એરલાઈન્સની કેએલએમની હતી. ઘટના દિલ્હી ફ્લાઈટ ઈન્ફોર્મેશન રીઝનમાં બની હતી. ફ્લાઈટ ઈન્ફોર્મેશન રીઝન તે વિસ્તાર હોય છે જ્યાં ફ્લાઈટ સંબંધી અને એલર્ટ સાથે જોડાયેલી માહિતી ઉપલબ્ધ કરાવવામાં આવે છે. આવી જ રીતે સમુદ્રી અને જમીન વિસ્તારને વૈશ્વિક નિયમોને આધારે વહેંચવામાં આવે છે.

30 હજાર ફૂટની ઊંચાઈ પર બની ઘટના

અધિકારીઓના જણાવ્યા અનુસાર નેશનલ એરલાઈન્સની ફ્લાઈટ એનસીઆર 840 અફઘાનિસ્તાનથી હોંગકોંગ , કેએલએમ 875 ફ્લાઈટ એમ્સટર્ડમથી બેંકોક અને ઈવા એરની ફ્લઈટ EVA 061 બેંકોકથી વિયના તરફ જઈ રહી હતી. જેમાં પહેલી ફ્લાઈટ એનસીઆર 840 લેવલ 310 (31 હજાર ફૂટ), બીજી EVA 061 લેવલ 230 (32 હજાર ફૂટ) અને ત્રીજી ફ્લાઈટ KLM 33 હજાર ફૂટની ઊંચાઈ પર હતી.

ટીસીએએસની ચેતવણીએ રોકી દુર્ઘટના

ટ્રાફિક કોલિજન અવોઈડેન્સ સિસ્ટમની ચેતવણી બાદ NCR 840ના પાઇલટે પ્લેનને 35 હજાર ફૂટની ઊંચાઈ પર પહોંચાડવામાં આવ્યું અને તે જ લેવલ પર રહેવા માટે કહેવામાં આવ્યું જ્યાં સુધી આગામી નિર્દેશ ન મળે. જ્યાર NCR 849ને ઉપર જતા ડાબી બાજુ વળવા માટે કહેવામાં આવ્યું. આ વચ્ચે EVA 061 પણ લેવલ 330 પર જવાનું શરૂ કર દીધી જ્યાં પહેલાથી જ KLM ઉડી રહી હતી. આ રીતે ત્રણેય ફ્લાઈટ સામે આવેલી ગંભીર દુર્ઘટનાને રોકી શકાઈ હતી.