Gujarati News

મુંબઈમાં રહેતા એક 32 વર્ષીય વ્યક્તિએ મેટ્રિમોનિયલ સાઈટ પર યુકેની મલ્ટિનેશનલ કંપનીમાં સીનિયર એક્ઝિક્યૂટિવ હોવાનો ઢોંગ રચી અમેરિકામાં રહેતી ભારતીય મૂળની 27 વર્ષની યુવતીને પોતાની પ્રેમજાળમાં ફસાવી તેની પાસેથી 27 લાખ રૂપિયા પડાવી લીધા. તેણે યુવતીને પાસેથી એ રીતે મદદ માગી હતી કે, યુએસમાં તેના પર મની લૉન્ડરિંગનો કેસ લાગ્યો છે અને તેને પ્રી-ટેક્સ પેટે પૈસા ચૂકવવાના છે. યુવકને મુંબઈની સિટી ક્રાઈમ બ્રાન્ચ દ્વારા અરેસ્ટ કરી લેવાયો છે. પોલીસે કહ્યું કે, ઈન્ટરનેટ પર અજાણ્યા વ્યક્તિ પર વિશ્વાસ ન કરવાની ચેતવણીઓ આપવામાં આવતી હોવા છતા લોકો ધૂતારાઓના શિકાર બનતા હોય છે, ખાસ કરીને મેટ્રિમોનિયલ સાઈટ્સ પર

.રીતિ (નામ બદલ્યું છે) ત્યાં સુધી એ વાતથી અજાણ હતી કે, તેનો થનારો હસબન્ડ અસલમાં મુંબઈમાં રહે છે જ્યાં સુધી તેના માતા-પિતા વિલે પાર્લેમાં આવેલા યુવકના ઘરની મુલાકાત ન કરી. પોલીસે કહ્યું કે, જો છોકરીના માતા-પિતાએ આવું ન કર્યું હોત તો તે પ્રીતિને છેતરવાનું ચાલુ જ રાખત. નિમિષ ચૌટાલિયાના પિતા બાબુભાઈએ પ્રીતિના માતા-પિતાને કહ્યું કે, તેમનો પુત્ર ક્યારેય યુકે ગયો નથી. પોલીસ અધિકારીએ કહ્યું કે, ‘નિમિષના પિતાએ તેને ફોન કરીને તાત્કાલિક ઘરે આવવા માટે કહ્યું હતું પણ તે ભાગી ગયો હતો.’ બાદમાં ક્રાઈમ બ્રાંચ (યુનિટ 2)ને ભાળ મળી હતી કે, નિમિષ અંધેરી-કુર્લા રોડ પર છે, જ્યાંથી તેને પકડી પાડવામાં આવ્યો હતો. તેના પર IPC અંતર્ગત ચિટીંગ, ફ્રોજરી, વિશ્વાસભંગ, પૂરાવાઓ મિટાવવા અને IT એક્ટ અંતર્ગત ગુના નોંધવામાં આવ્યા છે
પોલીસે કહ્યું કે, ન્યૂ યૉર્કમાં કામ કરતી પ્રીતિએ મેટ્રિમોનિયલ સાઈટ પર રજિસ્ટ્રેશન કરાવ્યું હતું અને નિમિષ સાથે જૂન મહિનામાં પર્સનલ કૉન્ટેક્ટમાં આવી હતી. પોલીસ અધિકારીએ જણાવ્યું કે, ‘નિમિષે તેને કહ્યું હતું કે, તે એક મલ્ટિનેશનલ હાર્ડવેર કંપનીમાં કામ કરે છે અને USની એક ફર્મમાં ઘણું મોટું રોકાણ કર્યું છે, આ કારણે તેને અવારનવાર યુએસ અને યુકે આવવાનું થાય છે. તેણે એક બનાવટી ઈમેઈલ આઈડી અને સોશિયલ મીડિયા એકાઉન્ટ્સ બનાવ્યા હતા જેના દ્વારા પ્રીતિ સામે યુકેમાં હોવાની ઈમ્પ્રેશન બનાવતો હતો. બંનેએ વ્હોટ્સએપ પર વાતો શરૂ કરી હતી અને ફ્રેન્ડ્સ બની ગયા હતા. તેણે પ્રીતિને કહ્યું હતું કે, તેણે યુકે અને યુએસની ફર્મમાં 60 કરોડનું રોકાણ કર્યું છે અને તે તેને ન્યૂયોર્કમાં મળશે. તેણે પ્રીતિ પાસેથી 37,122 ડૉલર પોતાના એકાઉન્ટમાં ડિપોઝિટ કરાવડાવ્યા હતા.