Gujarati News

તામિલનાડુના મદુરાઈમાં રહેતા એન જે શિરાબ્તિનાથ એક જ આંખથી જોઈ શકે છે આ જ કારણે તેનું ડ્રાઈવિંગ લાઈસન્સ નહોતું બન્યું જોકે હવે કેન્દ્ર સરકારના આદેશ અનુસાર મદુરાઈ આરટીઓએ શિરાબ્તિનાથને ડ્રાઈવિંગ લાઈસન્સ બનાવી આપ્યું છે. આ પહેલા તેમણે દરેક જરુરી ટેસ્ટ પણ પાસ કર્યાં હતાં.

 26 વર્ષના શિરાબ્તિનાથ મદુરાઈના પલંગમનાથમનો રહેવાસી છે. બે વર્ષની ઉંમરમાં જ એક દુર્ઘટનાના લીધે તેણે એક આંખની રોશની ગુમાવવી પડી હતી. શિરાબ્તિનાથે જણાવ્યું કે, એક આંખથી ન જોઈ શકે છતાં તેને ડ્રાઈવિંગ લાઈસન્સ મળી શકે છે તે માન્યામાં આવે તેવી વાત જ નથી.
 તેના એક દોસ્ત અશ્વિને તેને કેન્દ્ર સરકારના એક આદેશને બતાવ્યો. જે 21 નવેમ્બર 2017ના રોજ જાહેર થયો હતો. આ આદેશ અનુસાર જો પ્રાર્થી જરુરી મેડિકલ ટેસ્ટ પાસ કરી લે છે તો એક આંખથી ન દેખાતું હોય તેને પણ ડ્રાઈવિંગ લાઈસન્સ મળી શકે છે. આ જોઈ તેમણે આરટીઆઈ કરી કે તામિલનાડુમાં આ સુવિધા છે કે નહી. 11 સપ્ટેમ્બર 2018ના રોજ આરટીઆઈમાં જવાબ મળ્યો કે આ આદેશ હેઠળ લાઈસન્સ મળી શકે છે.
 આ પછી શિરાબ્તિનાથને વિઝન ટેસ્ટની સાથે કેટલાક અન્ય ટેસ્ટ પણ પાસ કરવાં પડ્યાં. જે ઉપરાંત લાઈસન્સ મેળવવું હોય તો આંખની વિઝ્યુઆલિટી 6/12 હોવી જોઈએ. જે પછી શિરાબ્તિનાથને લર્નિંગ લાઈસન્સ માટે આવેદન કર્યું અને આ સોમવારે તેણે ડ્રાઈવિંગ ટેસ્ટ પણ પાસ કરી.