Gujarati News

નવી દિલ્હીઃ બજાજ પલ્સર ભારતીય માર્કેટમાં ખૂબ જ પોપ્યુલર બાઈક છે. તેના કારણે જ માર્કેટમાં પલ્સરની અનેક રેન્જ પણ ઉપલબ્ધ છે. જેમાં Pulsar 150 Clasic Blackથી લઈને Pulsar RS200 સુધી સામેલ છે. ત્યારે હવે કંપની પોતાના પલ્સર 150 ટ્વિન ડિસ્ક બાઇખને નવા અવતારમાં લાવી રહી છે. નવી પલ્સર 150 ટ્વિન ડિસ્ક બજાજ માર્કેટમાં કેટલાક શો રુમ સુધી પહોંચી પણ ચૂકી છે. જ્યાંથી આ નવી બાઇકની કેટલીક તસવીરો લિક થઈને સામે આવી હતી. નવી પલ્સરની કિંમત જૂના બાઇક કરતા લગભગ રુ. 1500 જેટલી વધારે છે.

લીક થયેલી તસવીરો મુજબ ટ્વિન ડિસ્કવાળી નવા પલ્સર 150 બે નવા કલર્સ અને નવા બોડી ગ્રાફિક્સ સાથે આવે છે. આ બાઇક બ્લેક કલરમાં બ્લૂ ફિનિશિંગ અને બ્લેક કલરમાં રેડ ફિનનિશિંગ સાથે ઉપલબ્ધ થશે. તેમજ આ નવી પલ્સરમાં એન્જિનની સામે અંડરબેલી પેનલ પણ આપવામાં આવી છે.

આ અપડેટ્સ ઉપરાંત નવી પલ્સર 150 ટ્વિન ડિસ્કમાં મેકેનિકલી કોઈ ફેરફાર નથી કરાયા. તેમાં 149ccનું સિંગલ સિલિન્ડર, ટ્વિન સ્પાર્ક એન્જિન છે. જે 8000rpm પર 14hpનો પાવર અને 13.4Nmનો ટોર્ક જનરેટ કરે છે. બાઇકમાં 5 સ્પીડ ગિયરબોક્સ આપવામાં આવ્યું છે. તેમજ નામથી જ ખબર પડે છે કે બાઇકમાં ફ્રંટ અને રિયર બંને તરફ ડિસ્ક બ્રેક છે.

બજાજની ટ્વિન ડિસ્કવાળી પલ્સરની સ્પર્ધા માર્કેટમાં હોંડા સીબી યૂનિકોર્ન 160, ટીવીએસ અપાચે આરટીઆર 160 અને હીરો એક્સટ્રીમ સ્પોર્ટ્સ જેવી બાઇક સાથે ટક્કર છે. તમને જણાવી દઈએ કે પલ્સર 150 ક્લાસિકને પણ નવા રંગરુપ સાથે સાથે માર્કેટમાં લોંચ કરવાની તૈયારી કરવામાં આવી રહી છે.