Gujarati News

નવી દિલ્હીઃ ટીવી રીમોટને લઈને ભાઈ સાથે થયેલો ઝઘડો યુવતીની મૃત્યું પાછળનું કારણ બન્યુ. 12 વર્ષની યુવતીને એટલો ગુસ્સો આવ્યો હતો કે, તેણે પોતાના વાલીઓને બેડરૂમમાં બંધ કરીને, એક રૂમમાં પંખે લટકીને ગળે ફાંસો ખાઈને આત્મહત્યા કરી લીધી. ત્રણેય ભાઈ-બહેનોમાં સૌથી મોટા ભાઈએ બેનને પંખાથી નીચે ઊતારી હતી અને હોસ્પિટલમાં ખસેડી હતી.

ત્રણ દિવસ બાદ યુવતીનું મોત

પંખાથી લટકાયેલી યુવતીને સારવાર માટે હોસ્પિટલ ખસેડવામાં આવી હતી. જ્યાં સારવાર દરમિયાન તેનું મોત નીપજ્યું હતું. દિલ્હીના સીલમપુર વિસ્તારમાં બુધવારે યુવતી અને તેના બે ભાઈઓ ઘરે એકલા હતા. યુવતી અને સાત વર્ષના ભાઈ વચ્ચે ટીવીના રીમોટ બાબતે ઝઘડો થયો હતો. એ વખતે મોટો ભાઈ પોતાના રૂમમાં અભ્યાસ કરી રહ્યો હતો અને વાલીઓ બાહર ગયા હતા. સાંજે બંને વચ્ચે ઝઘડો થયો હતો. ત્યારે મોટો બંનેને ખીજાયો હતો.

ભાઈને થપ્પડ મારીને ચાલી ગઈ

બે વખત યુવતીએ રિમોટની માગ કરી હતી ત્યારે ભાઈએ તેને આપવાની ના પાડી દીધી. ત્યારે ત્યાંથી નારાજ થઈને ઊભી થઈ અને ભાઈને થપ્પડ મારી દીઘી. ત્યાર બાદ મા-બાપ રૂમમાં ગઈ, ત્યારે નાનો ભાઈ વારંવાર દરવાજો ખખડાવી રહ્યો હતો અને ખોલવા માટે બૂમ પાડી રહ્યો હતો. જ્યારે બેનનો અવાજ આવતો બંધ થઈ ગયો ત્યારે મોટા ભાઈ પાસે આવ્યો. જ્યારે મોટા ભાઈએ દરવાજો ખોલ્યો ત્યારે યુવતી પંખાથી લટકાયેલી હતી.

પોલીસે તપાસ શરૂ કરી

માતા-પિતાને ફોન કરીને મોટા ભાઈએ બનેલી ઘટનાની માહિતી આપી હતી. ત્યાર બાદ યુવતીને સારવાર અર્થે હોસ્પિટલમાં ખસેડવામાં આવી હતી. જ્યાં સારવાર દરમિયાન યુવતીનું મોત નીપજ્યું હતું. દિલ્લી પોલીસ આ મામલે ઘટનાની નોંધ લઈને તપાસ શરૂ કરી દીધી છે.