Gujarati News

મુંબઇ એરપોર્ટ પર દાણચોરીનો એક ચોંકાવનારો કિસ્સો સામે આવ્યો છે.એક મહિલા તેના ગુપ્તાંગમાં 25 હજાર યુરો છુપાવીને બેંગકોક જઈ રહી હતી. પરંતુ ટર્મિનલ -2 પર સુરક્ષા તપાસ દરમિયાન સીઆઈએસએફના કોન્સ્ટેબલ શિલ્પા જૈને શંકાસ્પદ પ્રવૃત્તિઓ નિહાળ્યા બાદ મહિલાની શોધખોળ હાથ ધરી હતી, જે બાદ તે બહાર આવ્યું છે.

  મહિલાના ખાનગી ભાગોની સઘન શોધખોળ કરવામાં આવી હતી, ત્યારે તેની પાસેથી 25 હજાર યુરો મળી આવ્યા હતા. જ્યારે મહિલાને આ વિશે પૂછવામાં આવ્યું, ત્યારે તે આ વિદેશી ચલણના સમર્થનમાં દસ્તાવેજો રજૂ કરી શકી નહીં. જે બાદ સીઆઈએસએફના વરિષ્ઠ અધિકારીઓ અને કસ્ટમના અધિકારીઓને આ અંગે માહિતી આપવામાં આવી હતી.

આ  મહિલા 25 હજાર યુરો સાથે થાઇ એરવેઝની ફ્લાઇટ લેવાની હતી. મહિલા સેનેગલની રહેવાસી છે. આ ઘટના અંગે સુરક્ષા દળના અધિકારીએ જણાવ્યું હતું કે મહિલા સાથે 25 હજાર યુરો મળી આવ્યા છે, તેની સામે આગળ કાયદેસરની કાર્યવાહી કરવામાં આવશે. મહિલા અને તેની પાસેથી વસૂલવામાં આવેલા પૈસા કસ્ટમ અધિકારીઓના હવાલે કરવામાં આવ્યા છે 25 હજાર યુરો ભારતીય ચલણમાં આશરે 20 લાખ રૂપિયા થાય છે.