મુંબઇ તા. ૨૯ : બળાત્કારના આરોપી ચોકીદારને બોમ્બે હાઈકોર્ટે જામીન આપ્યા છે. આરોપીને જામીન આપતા કોર્ટે કહ્યું હતું કે આરોપી ગીચ જુહુ ચોપાટી પર દિવસભર પીડિતા પર બળાત્કાર કરી શકે નહીં. આ કેસમાં પોસ્કો એક્ટ લાગુ કરવાનો પ્રશ્ન જ ઊભો થતો નથી, કારણ કે કથિત અપરાધ સમયે પીડિતા પુખ્ત હતી.
આરોપીને જામીન આપતા જસ્ટિસ પૃથ્વીરાજ ચવ્હાણે કહ્યું હતું કે કોઈ પણ સમજદાર વ્યક્તિ એ વાત પર વિશ્વાસ નહીં કરે કે ઈદ-અલ-ફિત્રના દિવસે ભીડભાડવાળી જુહુ ચોપાટી પર આરોપી દિવસભર પીડિતા પર બળાત્કાર કરશે.
બેન્ચે એમ પણ કહ્યું હતું કે ટ્રાયલ કોર્ટે હજુ સુધી કોઈ આરોપો ઘડ્યા નથી અને ટ્રાયલને તેના તાર્કિક અંત સુધી લાવવાની કોઈ શક્યતા નથી. જે બાદ કોર્ટે આરોપીને જામીન આપ્યા હતા.
જસ્ટિસ પૃથ્વીરાજ ચવ્હાણની બેંચ એક બિલ્ડિંગના ચોકીદાર દ્વારા દાખલ કરવામાં આવેલી જામીન અરજી પર સુનાવણી કરી રહી હતી જયાં પીડિતા નોકરાણી તરીકે કામ કરતી હતી. ફરિયાદ પક્ષનો કેસ એવો હતો કે બંને વચ્ચે મિત્રતા હતી જે બાદમાં પ્રેમપ્રકરણમાં ફેરવાઈ ગઈ હતી. ફરિયાદ પક્ષે તેની અરજીમાં આરોપ લગાવ્યો હતો કે ચોકીદાર હંમેશા પીડિતાની પાછળ રહેતો હતો અને તેને સતત મેસેજ કરીને ફોન કરતો હતો.
પીડિતાએ આરોપ લગાવ્યો હતો કે ૧૪ મે, ૨૦૨૧ના રોજ જયારે તે આરોપી સાથે જુહુ ચોપાટી પર ગઈ હતી, ત્યારે આરોપીએ તેને સેક્સ કરવા કહ્યું, જેનો પીડિતાએ ના પાડી દીધી. જો કે, આરોપીઓએ તેણીને ધાકધમકી આપીને બળજબરીથી દરિયા તરફ લઇ જઇ પથ્થરો પાછળ બળાત્કાર ગુજાર્યો હતો.
ચોકીદાર વતી કોર્ટમાં હાજર રહેલા એડવોકેટ નાઝનીન ખત્રીએ પ્રોસિક્યુશન દ્વારા રજૂ કરાયેલ પીડિતાના એક્સ-રે રિપોર્ટ તરફ ધ્યાન દોર્યું હતું, જેમાં જાણવા મળ્યું હતું કે રેડિયોલોજિકલ રીતે પીડિતાની ઉંમર ૧૯ વર્ષથી વધુ છે, પરંતુ ૨૦ વર્ષથી ઓછી છે.
રિપોર્ટ જોયા બાદ ખંડપીઠે કહ્યું કે જો આવો કિસ્સો હોય તો આ કેસમાં પોસ્કો એક્ટ લાગુ કરવાનો પ્રશ્ન જ ઊભો થતો નથી, કારણ કે કથિત અપરાધ સમયે પીડિતા પુખ્ત હતી. આરોપી વિરૂદ્ધ કેસને જોતા પોસ્કો એક્ટ હેઠળ કેસ નોંધવામાં આવ્યો હતો.(૨૧.૪)
કોંગ્રેસને આયકર વિભાગની ૧૭૦૦ કરોડની નોટિસ
લોકસભાની ચૂંટણી પહેલા દેશના સૌથી જુના પક્ષની આર્થિક મુશ્કેલીમાં વધારો : હવે ૨૦૧૭-૧૮થી લઇને ૨૦૨૦-૨૧ માટે નોટિસ મળી : જેમાં દંડ-વ્યાજ સામેલ છે
એક તરફ ખાતાઓ ફ્રીઝ છે ત્યારે પહેલા હાઇકોર્ટે અરજી ફગાવી હવે આયકર વિભાગની નોટિસ : પક્ષને પડયા પર પાટુ
નવી દિલ્હી તા. ૨૯ : કોંગ્રેસ પાર્ટીને ગુરુવારે દિલ્હી હાઈકોર્ટમાંથી સૌથી પહેલો ઝટકો લાગ્યો હતો. જે બાદ આવકવેરા વિભાગે મુશ્કેલીઓમાં વધુ વધારો કર્યો હતો. આવકવેરા વિભાગે કોંગ્રેસ પાર્ટીને લગભગ ૧૭૦૦ કરોડ રૂપિયાની નોટિસ ફટકારી છે. આ સાથે જ લોકસભા ચૂંટણી પહેલા દેશની સૌથી જૂની પાર્ટીની આર્થિક ચિંતા વધી ગઈ છે. આવકવેરા વિભાગની નવી માંગ ૨૦૧૭-૧૮ થી ૨૦૨૦-૨૧ માટે છે. જેમાં દંડ અને વ્યાજ બંનેનો સમાવેશ થાય છે.
આ રકમ હજુ વધવાની શક્યતા છે. આવકવેરા વિભાગ ૨૦૨૧-૨૨ થી ૨૦૨૪-૨૫ સુધીની આવકના પુનર્મૂલ્યાંકનની રાહ જોઈ રહ્યું છે. તેની કટ ઓફ ડેટ રવિવાર સુધીમાં પૂર્ણ થશે. કોંગ્રેસના વકીલ અને રાજયસભાના સાંસદ વિવેક ટંખાએ કહ્યું કે પક્ષ કાનૂની પડકારને આગળ ધપાવશે. તેમણે આવકવેરા વિભાગની આ કાર્યવાહીને અલોકતાંત્રિક અને અયોગ્ય ગણાવી હતી.
રાજયસભાના સાંસદ અને કોંગ્રેસના વકીલ વિવેક ટંખાએ આરોપ લગાવ્યો હતો કે ગુરુવારે પક્ષને મુખ્ય દસ્તાવેજો વિના લગભગ ૧,૭૦૦ કરોડ રૂપિયાની નવી નોટિસ મોકલવામાં આવી હતી. તેમણે કહ્યું કે દેશની મુખ્ય વિપક્ષી પાર્ટીનું લોકસભા ચૂંટણી દરમિયાન આર્થિક રીતે ગળું દબાવવામાં આવી રહ્યું છે.
દિલ્હી હાઈકોર્ટે ગુરૂવારે ચાર વર્ષના સમયગાળા માટે કર સત્તાવાળાઓ દ્વારા તેની સામે કરવેરા પુનઃ આકારણીની કાર્યવાહીની શરૂઆતને પડકારતી કોંગ્રેસની અરજીઓને ફગાવી દીધી હતી. જસ્ટિસ યશવંત વર્મા અને જસ્ટિસ પુરૂષેન્દ્ર કુમાર કૌરવની ડિવિઝન બેન્ચે જણાવ્યું હતું કે અન્ય એક વર્ષ માટે પુનર્મૂલ્યાંકનની રજૂઆતમાં દખલ કરવાનો ઇનકાર કરતા તેના અગાઉના ચુકાદા અનુસાર અરજીઓ ફગાવી દેવામાં આવે છે. હાલની બાબત વર્ષ ૨૦૧૭ થી ૨૦૨૧ સુધીની આકારણી સાથે સંબંધિત છે.
ગયા અઠવાડિયે નકારી કાઢવામાં આવેલી અન્ય અરજીમાં, કોંગ્રેસ પક્ષે આકારણી વર્ષ ૨૦૧૪-૧૫ થી ૨૦૧૬-૧૭ સંબંધિત પુનઃમૂલ્યાંકનની કાર્યવાહીની શરૂઆતને પડકારી હતી. ૨૨ માર્ચે, હાઈકોર્ટે તે દલીલોને ફગાવી દીધી હતી અને કહ્યું હતું કે ટેક્સ ઓથોરિટીએ પ્રાથમિક દૃષ્ટિએ પૂરતા અને નક્કર પુરાવા એકત્રિત કર્યા છે, જેને વધુ તપાસની જરૂર છે.
અરજીમાં, કોંગ્રેસે દલીલ કરી હતી કે આવકવેરા કાયદાની કલમ ૧૫૩ઘ્ (અન્ય વ્યક્તિની આવકનું મૂલ્યાંકન) હેઠળની કાર્યવાહી એપ્રિલ, ૨૦૧૯ માં ચાર વ્યક્તિઓ પર હાથ ધરવામાં આવેલી તપાસ પર આધારિત હતી અને તે ચોક્કસ સમય મર્યાદાની બહાર હતી
.png)
છેલ્લા 8 દિવસમાં સૌથી લોકપ્રિય
સૌરાષ્ટ્ર કચ્છ
સમાચાર ગુજરાત
દેશ-વિદેશ
ખેલ-જગત
ફિલ્મ જગત