Gujarati News

Gujarati News

News of Saturday, 28th November 2020

અમેરિકામાં વિમાનમાં કોરોના વેક્સિનની ડિલિવરી શરૂ થઈ

ફાઈઝરની વેક્સિન ૯૫ ટકા અસરકારક હોવાનો દાવો : ફાઈઝરની વેક્સિનને યુનીઈટંડ એરલાઈન્સના વિમાનમાં એક સ્થળેથી બીજા સ્થળે મોકલવામાં આવી રહી છે

વોશિંગ્ટન, તા.૨૮ : અમેરિકામાં કોરોના વેક્સિનના વિતરણ માટે ચાર્ટર ફ્લાઇટ્સ શરૂ કરવામાં આવી છે. યુનાઇટેડ એરલાઇન્સના વિમાનમાં ફાઇઝરની કોરોના વેક્સિનને એક જગ્યાએથી બીજી જગ્યાએ મોકલવામાં આવી રહી છે. થોડા સમય અગાઉ ફાઇઝરે કહ્યું હતું કે, તેમની કોરોના વેક્સિન ૯૫ ટકા અસરકારક છે. ફાઇઝર કંપનીની યોજના પ્રમાણે, અમેરિકામાં વેક્સિનેશન સેન્ટરની બિલકુલ નજીક સુધી ફ્લાઇટ્સ દ્વારા જ વેક્સિનની ડિલીવરી કરવામાં આવશે. જો કે, ડિસ્ટ્રીબ્યુશન સેન્ટરથી વેક્સિનેશન સેન્ટર સુધી વેક્સિન પહોંચવામાં ત્રણ દિવસ સુધીનો સમય લાગી શકે છે.

           વોલ સ્ટ્રીટ જર્નલના અહેવાલ પ્રમાણે, ફ્લાઇટ્સ દ્વારા વેક્સિન મોકલવી એ ગ્લોબલ સપ્લાઇ અને ડિસ્ટ્રીબ્યુશન માટે એક મહત્વની તૈયારી છે. આશા છે કે, ડિસેમ્બરના અંત સુધીમાં અમેરિકામાં વેક્સિનેશન શરૂ કરવામાં આવશે. ફૂડ એન્ડ ડ્રગ એડમિનિસ્ટ્રેશન ટૂંક સમયમાં જ વેક્સિનને મંજૂરી આપી શકે છે. વેક્સિનની સપ્લાય માટે યુનાઇટેડ એરલાઇન્સને વધુ પડતું બરફ રાખવા માટે પણ મંજૂરી આપવામાં આવી છે. ફાઇઝરની વેક્સિનને -૭૦ ડિગ્રી સેલ્સિયસમાં રાખવી પડે છે. વેક્સિનની સપ્લાય માટે ફાઇઝરે સૂટકેસ આકારનું બોક્સ તૈયાર કર્યું છે. જેમાં સુખા બરફ સાથે વેક્સિનને રાખવામાં આવશે.

(7:20 pm IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST

  • જામનગરની જાણીતી હોટલ રોયલ સ્ટેના માલિક નરેન્દ્રસિંહ પરમારનું દુઃખદ નિધન access_time 10:29 pm IST