Gujarati News

નવી દિલ્હી :  હવે નાના એલપીજી સિલિન્ડરો પણ દેશભરની વાજબી કિંમતની દુકાનો પર મળી રહેશે. આ સાથે, સરકારે આ દુકાનોમાં નાણાકીય સેવાઓ પ્રદાન કરવા અને મૂડી વધારવા માટે તેના ડીલરોને મુદ્રા લોન આપવાનો પણ પ્રસ્તાવ મૂક્યો છે. દેશમાં કુલ 5.32 લાખ રાશનની દુકાનો છે. નાના એલપીજી સિલિન્ડરોના આ પગલા સાથે, કેન્દ્ર તેની સેવાઓને ગરીબ અને જરૂરિયાતમંદ ગ્રાહકોની નજીક લઈ જવાનો લક્ષ્‍યાંક ધરાવે છે.

ખાદ્ય સચિવ સુધાંશુ પાંડેની અધ્યક્ષતામાં રાજ્ય સરકારો સાથેની વર્ચ્યુઅલ બેઠકમાં આ પ્રસ્તાવ મૂકવામાં આવ્યો હતો. ખાદ્ય સચિવે કહ્યું કે વિભાગ વાજબી ભાવની દુકાનોમાં નાણાકીય વ્યવહારો વધારવા માટે સતત કામ કરી રહ્યું છે. ટૂંક સમયમાં આ દુકાનોને નવી રીતે રજૂ કરવામાં આવશે અને ગ્રાહકોની જરૂરિયાતો પૂરી કરવાનો પ્રયાસ કરવામાં આવશે

આમાં મુદ્રા લોન યોજના દ્વારા ડીલરોને સરળ હપ્તામાં લોન આપવાનો પ્રસ્તાવ છે. કેન્દ્રીય ખાદ્ય અને ઉપભોક્તા બાબતોના પ્રધાન પીયૂષ ગોયલે ટ્વીટ કરીને આ યોજના વિશે માહિતી આપતાં તેને એક મોટું પગલું ગણાવ્યું હતું. ઈલેક્ટ્રોનિક્સ અને આઈટી મંત્રાલય, પેટ્રોલિયમ અને કુદરતી ગેસ મંત્રાલયના પ્રતિનિધિઓએ પણ બેઠકમાં હાજરી આપી હતી.