અર્થતંત્રને દિવાળી સમયે દોડતું કરી દેવા નાણામંત્રી વિજળી ઝડપે વિવિધ ક્ષેત્રોના સચિવો સાથે મંત્રણાનો દોર ચલાવી રહ્યા છે : નવું પેકેજ આવી રહ્યું છે અને છૂટછાટો સાથે મોલ્સ સંપૂર્ણ ખોલી નાખવામાં આવે તેવી ભારે ચર્ચા : અનેક ક્ષેત્રોને ધમધમતા કરી દેવા કસરત હાથ ધરાઈ

News of Wednesday, 28th October 2020

અર્થતંત્રને દિવાળી સમયે દોડતું કરી દેવા નાણામંત્રી વિજળી ઝડપે વિવિધ ક્ષેત્રોના સચિવો સાથે મંત્રણાનો દોર ચલાવી રહ્યા છે : નવું પેકેજ આવી રહ્યું છે અને છૂટછાટો સાથે મોલ્સ સંપૂર્ણ ખોલી નાખવામાં આવે તેવી ભારે ચર્ચા : અનેક ક્ષેત્રોને ધમધમતા કરી દેવા કસરત હાથ ધરાઈ

- અર્થતંત્રને વેગ આપવા માટે નવા વધુ એક આર્થિક પેકેજની ચર્ચા કરવા માટે આજે નાણાંમંત્રી નિર્મલા જી વિવિધ વિભાગોના સચિવોને મળ્યા હોવાનું જાણવા મળે છે. - મુસાફરી, પર્યટન અને હોસ્પિટાલીટી, ઉડ્ડયન, છૂટક વેપાર, બાંધકામ અને સ્થાવર મિલકતોના ક્ષેત્રે ટેકો આપવા અને ધમધમતા કરવા સરકાર ઉત્સુક છે. - આ ક્ષેત્રોમાં ઇસીએલજીએસ દ્વારા રોકડ ફ્લોના સપોર્ટ આપવા અંગે વિચારણા કરવામાં આવી રહી છે - જે ક્ષેત્રો અગાઉ ઇસીએલજીએસ યોજના માટે લાયક ન હતા, તે ક્ષેત્રોને હવે ઉપયોગમાં નહિ લેવાયેલ રકમ વાપરવા દેવા માટે ધ્યાનમાં લેવામાં આવી શકે છે. - હોસ્પિટાલીટી અને ઉડ્ડયન, બાંધકામ, સ્થાવર મિલકત જેવા વિશિષ્ટ ક્ષેત્રો માટેની લોનના પુનર્ગઠન માટેના નિયમો અને શરતોમાં ફેરફાર આવી શકે છે - કોવિડ સંબંધિત સ્ટ્રેસમાટે આરબીઆઈના ઠરાવના ફ્રેમવર્ક હેઠળ બાંધકામ ક્ષેત્રનો સમાવેશ કરવો - તબીબી પ્રોટોકોલ્સ અને કોરનટાઈન રુલ્સમાં છૂટછાટ આપવી - તહેવારોની સીઝનમાં મોલ્સ સંપૂર્ણ રીતે કાર્યરત- ધમધમતા કરવા - પ્લાન્ડ પ્રોજેક્ટ્સના ઝડપી અમલીકરણ, ઉદ્યોગોને સરકારે આપવાના બાકી લેણાંની ચુકવણી વગેરે અંગે વિગતવાર ચર્ચા કરવામાં આવી હતી.