Gujarati News

નવી દિલ્હી:જમ્મુ કાશ્મીર જતી સેનાની સ્પેશિયલ ટ્રેનમાંથી બીએસએફના ૧૦ જવાન અચાનક ગાયબ થતા બીએસએફના અધિકારીઓમાં ભારે દોડધામ મચી જવા પામી છે.અને અધિકારીઓએ આ અંગે ઉચ્ચ સ્તરે જાણ કરી છે.

 આ અંગે મળતી વિગત મુજબ બીએસએફનો એક જવાન વર્ધમાન સ્ટેશન પર અને અન્ય નવ જવાન ધનબાદ સ્ટેશન પર ગુમ થયા છે.આ ઘટનાની જાણ થતાં અધિકારીઓમાં ભારે હોબાળો મચી ગયો હતો. આ મામલે પ્લાટૂન કમાન્ડરોએ મુગલસરાય જીઆરપી મથકમાં ફરિયાદ નોંધાવી હતી.

મુગલસરાય જીઆરપીના પીએસઆઈ જિતેન્દ્રકુમાર યાદવે જણાવ્યું હતું કે બીએસએફનું એક ગ્રૂપ ગૂમ થઈ ગયા હોવાની પ્લાટૂન કમાન્ડરો દ્વારા જાણકારી મળી છે આ મામલે પોલીસે કાર્યવાહી હાથ ધરી છે.