Gujarati News

તેલંગણા : હૈદરાબાદમાં હાર્ટ એટેકથી મૃત્યુ પામેલા 55 વર્ષીય શખ્સ મોહંમદ ખાજા મિયાંને શહેરમાં આવેલા તમામ 6 કબ્રસ્તાનોના સંચાલકોએ દફનાવવાની રજા આપવાનો ઇન્કાર કર્યો હતો.તેઓને કોરોના ફેલાવાનો ડર હતો.તેથી મૃતકના પરિવારજનો ચિંતામાં મુકાઈ ગયા હતા.મૃતદેહને એક જગ્યાએથી બીજી જગ્યાએ ફેરવીને થાકી ગયા હતા.તથા ઘરના મોભીને દફનાવી નહીં શકાય તેવી ચિંતામાં હતા તેવા સંજોગોમાં 2 હિંદુઓ સંદીપ તથા શેખરે મુસ્લિમ શખ્સને દફનાવવા પોતાની જમીન આપી હિન્દૂ મુસ્લિમ એકતાનું ઉદાહરણ પૂરું પડ્યું હતું તેવું  સમાચાર સૂત્રો દ્વારા જાણવા મળે છે.