Gujarati News

Gujarati News

News of Friday, 27th November 2020

દેશનું અર્થતંત્ર ટેક્નિકલી મંદીમાં સપડાયું : જુલાઈ- સપ્ટે,ના ક્વાર્ટરમાં GDP માઇનસ 7.5 ટકા નોંધાયો

નાણા વર્ષના સતત બીજા ક્વાર્ટરમાં પણ દેશનો જીડીપી માઇનસ: પહેલા ત્રિમાસિકમાં જીડીપી માઇનસ 23.9 ટકા હતો

નવી દિલ્હી : નાણા વર્ષ 2020-21ના બીજા ક્વાર્ટરમાં પણ દેશનો કુલ ઘરેલુ ઉત્પાદ માઇનસ નોંધાયો. આ સાથે ભારત ટેક્નિકલી રીતે મંદીમાં સપડાઇ ગયું છે. સરકારે 27 નવેમ્બરે શુક્રવારે જાહેર કરેલા ત્રિમાસિક આંકડા મુજબ ભારતનો જીડીપી ગ્રોથ માઇનસ 7.5 રહ્યો છે

નાણાવર્ષ 2020-21ના પ્રારંભિક ત્રિમાસિકમાં ભારતનો જીડીપી માઇનસ 23.9 ટકા હતો. જેની તુલનાએ બીજા ક્વાર્ટરમાં સુધારો જોવા મળ્યો છે. તેમ છતાં ગ્રોથ રેટ માઇનસ 7.5 ટકા નેગેટીવ આવતા દેશનું અર્થતંત્ર ટેક્નિકલ રીતે મંદીમાં હોવાનું કહી શકાય એટલે કે ટેક્નિકલ રીતે સતત બે ત્રિમાસિકમાં કોઇ દેશનો જીડીપી નેગેટિવ આવે તો તેને મંદીની સ્થિતિ કહેવામાં આવે છે.

અર્થતંત્રની ખરાબ હાલત માટે માત્ર કોરોના વાઇરસનું કારણ નથી. કોરોના મહામારી ફેલાતા પહેલાંથી જ દેશનું અર્થતંત્ર કથળી રહ્યું છે. ગ્રોથનો ગ્રાફ નીચે આવી રહ્યો હતો અને ઓટો સેક્ટરથી લઇ મેન્યુફેક્ચરિંગમાં પહેલેથી કંપનીઓની હાલત ખરાબ થઇ ગઇ હતી.

પરંતુ માર્ચ 2021માં દેશવ્યાપી લોકડાઉનના 2 મહિના બાદ ભારતનો જીડીપી ઐતિહાસિક માઇનસ 23.9 ટકા પડી ગયો હતો.

સેક્ટરની દૃષ્ટિએ જોવા જઇએ તો કૃષિ અને મેન્યુફેક્ચરિંગ ક્ષેત્રોને કારણે થોડી રિકવરી જોવા મળી છે. બાકી કન્સ્ટ્રક્શન, ટ્રેડ, હોટેલ અને ટ્રાન્સપોર્ટ સેક્ટરોની સ્થિતિ બહુ ખરાબ છે.

(7:45 pm IST)
  • ચેન્નાઈમાં આવકવેરાનું મેગા ઓપરેશન ચાલુ: આ લખાય છે ત્યારે તામિલનાડુના ચેન્નાઈમાં જબરજસ્ત મોટું આવકવેરાનું ઓપરેશન શરૂ થઈ ગયું છે વિગતો મેળવાઇ રહી છે.. "ન્યૂઝફર્સ્ટ" access_time 10:49 am IST

  • કોંગ્રેસ નહીં ઓફિસને તાળાં મારી દેવાયા: પગાર ચૂકવો પછી જ અંદર આવો: લખનૌમાં કોંગ્રેસના મુખ્ય કાર્યાલયને, કર્મચારીઓ અને સ્ટાફ દ્વારા, પગાર નહી ચૂકવવાને કારણે તાળાબંધી કરવામાં આવી છે. બાકી નીકળતું વેતન ચૂકવાશે નહિ, ત્યાં સુધી, કોઈ પણ કોંગી હોદ્દેદારને ઓફિસમાં પ્રવેશવા દેવાશે નહિ, તેવી જાહેરાત access_time 10:49 am IST

  • દિલ્હીમાં હજારો ખેડૂતોને રાખવા માટે ૮ મોટા સ્ટેડીયમોમાં જેલ ઉભી કરાશે : હજારો ખેડૂતો દ્વારા દિલ્હી ચલો કૂચ આગળ વધી રહી છે ત્યારે કેજરીવાલની આપ સરકાર પાસે દિલ્હી પોલીસે ૮ મોટા સ્ટેડીયમોની માંગણી કરી છે : પોલીસ આ સ્ટેડીયમોનો ઉપયોગ કામચલાઉ જેલ તરીકે કરવા માગે છે access_time 12:51 pm IST