Gujarati News

Gujarati News

News of Friday, 27th November 2020

ફરીવાર જામશે ક્રિકેટનો મુકાબલો : કાલે ભારત-ઓસ્ટ્રેલિયા વચ્ચે વન-ડે જંગ : 9 મહિના બાદ પ્રથમ આંતર રાષ્ટ્રીય શ્રેણી

અગાઉ ફેબ્રુઆરીમાં ન્યુઝિલેન્ડના પ્રવાસે ટીમ ઇન્ડિયાએ ઇન્ટરનેશનલ સિરીઝ રમી હતી.

સિડની : ભારત અને ઓસ્ટ્રેલિયા વચ્ચે કાલે પ્રવાસની પ્રથમ વન ડે રમાશે. સિડની ક્રિકેટ ગ્રાઉન્ડ પર આ મેચ ભારતીય સમય મુજબ સવારે 9.10 કલાકે શરુ થશે. બંને કેપ્ટન ટોસ સવારે 8.40 કલાકે ઊછાળશે.મેચનું જીવંત પ્રસારણ Sony Six, Sony TEN 1,અને Sony TEN 3 પર જોવા મળશે. આ મેચની live streaming તમને Sony Liv પર જોવા મળી શકે છે.

IPLની ફાઇનલ 10 નવેમ્બરે રમાઇ હતી. ત્યારથી 17 દિવસ બાદ ફરી ક્રિકેટનો રોમાન્ચ જોવા મળશે. ક્રિકેટ પ્રેમીઓ આતુરતાથી આ સિરીઝની રાહ જોઇ રહ્યા છે. વળી 9 મહિના પછી ભારત કોઇ દેશ સામે દ્વિપક્ષીય શ્રેણી રમવા જઇ રહ્યું છે.

અગાઉ ફેબ્રુઆરીમાં ન્યુઝિલેન્ડના પ્રવાસે ટીમ ઇન્ડિયાએ ઇન્ટરનેશનલ સિરીઝ રમી હતી. જો કે ત્યાર બાદ દક્ષિણ આફ્રિકાની ટીમ ભારત આવી હતી. પરંતુ તેની પ્રથમ મેચ વરસાદમાં ધોવાઇ ગઇ હતી. પછી કોરોનાને કારણે છેલ્લી બે મેચ રદ કરાઇ હતી. આમ ફેબ્રુઆરી બાદ ટીમ ઇન્ડિયાકોઇ આંતરરાષ્ટ્રીય શ્રેણી રમશે.

ટીમ ઇન્ડિયા 13 નવેમ્બરે ઓસ્ટ્રેલિયા પહોંચી ગઇ હતી. ત્યારથી તે ક્વોરન્ટાઇનમાં હતી. અલબત્ત તેને પ્રેક્ટિસની છૂટ હતી. રવિવારે ભારતીય ખેલાડીઓ પ્રથમ ઇન્ટ્રા-સ્કવોડ મેચ પણ રમ્યા હતા.

સદનસીબે કોઇ ભારતીય ખેલાડી કોરોના પોઝિટિવ આવ્યો નથી. જ્યારે સામે ન્યૂઝીલેન્ડના પ્રવાસે ગયેલી પાક. ટીમના 6 ખેલાડી કોરોના પોઝિટિવ જોવા મળ્યા છે.

પ્રવાસમાં ભારત ઓસ્ટ્રેલિયા સામે 3 વન ડે, 3 ટી-20 અને 4 ટેસ્ટ મેચ રમશે. જે પૈકી પ્રથમ વન-ડે  કાલે રમાશે રમાશે. કોરોના મહામારીને કારણે સ્ટેડિયમમાં બહુ ઓછા પ્રેક્ષકોને પ્રવેશ અપાશે.

દરમિયાન પૂર્વ ક્રિકેટર સંજય માંજરેકરે પોતાની સંભિવત ટીમ ઇન્ડિયા જાહેર કરતા ક્રિકેટ રસિકોમાં નારજગી જોવા મળી હતી. માંજરેકરે સોશિયલ મીડિયા ટ્વીટર પર ટીમ શેર કરી હતી. IND/AUS One day news

જેમાં ઓલરાઉન્ડર રવિન્દ્ર જાડેજા અને હાર્દિક પંડયાને સ્થાન નહીં અપાતા તેમના ફેન્સ નારાજ દેખાયા હતા. માંજરેકરે પોતાની ટીમમાં સ્પીનર કુલદીપ યાદવને સ્થાન આપ્યું છે. પરંતું તેની સાથે એવુ લખ્યું કે ‘વિરાટ જાડેજાને લેશે’. તેથી યુઝર્સે માંજરેકરને ટ્રોલ કરવાનું શરુ કરી દીધું હતું

(12:00 am IST)
  • મહારાષ્ટ્ર સરકારનો મહત્વનો નિર્ણય : 30 હજાર સેક્સ વર્કર્સને દર મહિને 5 હજાર રૂપિયા આપશે : ઉપરાંત જેમના બાળકો સ્કૂલમાં અભ્યાસ કરે છે તેમને દર મહિને અઢી હજાર રૂપિયા વધુ અપાશે : રાજ્યના 32 જિલ્લાની 30 હજાર મહિલા સેક્સ વર્કર્સને આર્થિક સહાય માટે 51 કરોડ રૂપિયા ખર્ચવાનું આયોજન : મહિલા તથા બાળવિકાસ મંત્રી યશોમતી ઠાકુરની ઘોષણાં access_time 11:43 am IST

  • સુરત મનપા કમિશનર બન્છાનિધિ પાનીનો મોટો નિર્ણય : સુરતમાં કોરોનાનો કહેર વધતા મનપાના સ્ટાફની શનિ-રવિની રજાઓ કરી રદ્દ access_time 11:50 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST