Gujarati News

ઓડિશાના ઢેંકનાલ જિલ્લામાં શુક્રવારે રાત્રે કમાલંગા ગામના વિસ્તારમાં કરંટ લાગવાથી સાતહાથીઓના મોતની કમકમાટી ભરેલી ઘટના બની છે. મૃત હાથીઓ ખુલ્લા વીજતારના સંપર્કમાંઆવ્યા હતા અને તેને કારણે કરંટ લાગવાથી તેમના મોત નીપજ્યા હતા. અહેવાલો મુજબ 13 હાથીઓનું ઝુંડ છેલ્લા કેટલાક દિવસોથી આ વિસ્તારમાં ફરતું હતું. શુક્રવારે હાથીઓનું જૂથ કમાલંગા ગામના ખેતરોમાંથી પસાર થઈ રહ્યું હતું. ત્યારે હાઈવોલ્ટેજ ખુલ્લા તારના તેઓ સંપર્કમાં આવ્યા હતા. આ વીજતાર રેલવે ટ્રેક બનાવવા માટે બિછાવવામાં આવ્યા હતા.