Gujarati News

શ્રીનગર : આગામી સમયમાં શરૂ થનાર અમરનાથ યાત્રા ઉપર આતંકવાદી સંગઠનો હુમલો કરે તેવી ગુપ્‍ત માહીતી કેન્‍દ્રીય ગૃહ વિભાગને મળતા તાકીદની બેઠક બોલાવાઇ હતી અને આ મુદ્દે ચર્ચા વિચારણા કરવામાં આવી હતી. કેન્દ્રિય ગૃહ સચિવે તમામ પેરા મિલિટ્રી ફોર્સ ઉપરાંત આ બેઠકમાં દેશની તમામ સુરક્ષા એજન્સીઓના અધિકારીઓને પણ સાથે રાખ્યા છે. 

પ્રાપ્ત વિગતો અનુસાર, ગુપ્ત એજન્સીઓએ ગૃહ મંત્રાલયને જાણકારી આપી છે કે લશ્કર એ તોયબા અને જૈશ એ મોહમ્મદ અને અન્ય બીજા આતંકી સંગઠનો ભારતમાં હુમલો કરવાની ફિરાકમાં બેઠા છે. ગુપ્ત સુત્રોનું એ પણ કહેવું છે કે, આતંકીઓ અમરનાથ યાત્રાને પણ પોતાનું નિશાન બનાવી શકે છે અને મોટા હુમલાને અંજામ આપી શકે છે. 

સુત્રોના આધારે જાણવા મળ્યા મુજબ  ગૃહ મંત્રાલયમાં થનારી આ બેઠક દરમિયાન એ મુદ્દે વિચાર કરાશે કે કેવી રીતે અમરનાથ યાત્રાને વધુ સુરક્ષિત બનાવી શકાય.