Gujarati News

નવી દિલ્હી, તા.૨૬: ઈન્ડિયન સ્પેસ રિસર્ચ ઓર્ગેનાઈઝેશન  માટે વર્ષ ૨૦૨૦ ઘણું મહત્વપૂર્ણ રહેવાનું છે. ઈસરો અલગ-અલગ વર્ષ માટે અંતરિક્ષ વિજ્ઞાનના ક્ષેત્રમાં કેટલાક લક્ષ્ય નક્કી કર્યા છે. ૨૦૨૦માં મોટી સંખ્યામાં સેટેલાઈટ લોન્ચ કરવાની સાથે અંતરગ્રહીય મિશન વગેરે સાથે મિશન ગગનયાન માટે ટેસ્ટ ફલાઈટ લોન્ચ કરશે. મિશન ગગનયાન માટે ટેસ્ટ ફલાઈટનું હાલ નામ નક્કી કરવામાં નથી આવ્યું.

અમારા સહયોગી ટાઈમ્સ ઓફ ઈન્ડિયા સાથે વાત કરીને ઈસરોના ચેરમેન કે સિવન એ આ અંગે પુષ્ટી કરી છે. સિવને કહ્યું, 'આગામી વર્ષે અમારું લક્ષ્ય ૧૦ સેટેલાઈટ લોન્ચ કરવાનું છે. જેમાં એડવાન્સ કમ્યુનિકેશન સેટેલાઈટ GSAT-1 અને GSAT-12R અને પૃથ્વીનું નિરિક્ષણ કરનાર રીસેટ 2BR2 અને સર્વિલન્સ માટે માઈક્રોસેટનો સમાવેશ થાય છે. આ સાથે આદિત્ય L1 મિશનને મધ્ય ૨૦૨૦ સુધી લોન્ચ કરવાની યોજના છે અને મિશન ગગનયાન માટે પહેલા ટેસ્ટ ફલાઈટ ડિસેમ્બરમાં લોન્ચ કરાશે. હજુ સુધી ટેસ્ટ ફલાઈટનું નામ નક્કી કરવામાં નથી આવ્યું.

ઈસરોની નજર હવે સૂર્ય સુધી છે અને આદિત્ય L1 મિશન દેશનું પહેલું સોલાર મિશન હશે. ઈસરો ચીફે તેની પુષ્ટી કરી છે, તેમણે કહ્યું કે, 'એક પીએસએલવીનો પ્રયોગ સ્પેસક્રાફટનો ભાર વહન કરવા માટે હોય છે. જેના પર હજુ કામ ચાલું છે. મિશનની જાણકારી આપીને તેમણે કહ્યું, ૪૦૦ કિલોગ્રામના કલાસ સેટેલાઈટમાં ૬ વૈજ્ઞાનિકો પેલોડ્સ હશે. આ પેલોડ્સનું કામ હશે ઓર્બિટમાં આવતા પ્રભાવી ક્ષેત્રોની શરુઆતના પોઈન્ટ ૧ (L1) સુધી પહોંચવાનું. આ ઓર્બિટ પૃથ્વીથી ૧.૫ મિલિયન કિલોમીટર અંતરે છે. તેનો ફાયદો થશે કે કોઈ નડતર વગર સીધો સૂર્ય જોઈ શકાશે.

આ વર્ષના બે અન્ય મિશન વિશે માહિતી આપીને સિવને કહ્યું, રીયુઝેબલ લોન્ચ વ્હીકલ (RLV)ની ટેસ્ટ ફલાઈટ લોન્ચ અને નવા વિકસિત નાના સેટેલાઈટ (SSLV અન mini-PSLV)ને આગામી વર્ષની શરુઆતમાં લોન્ચ કરવાની યોજના છે. RLV ટેકનોલોજી ટેકનોલોજીની દૃષ્ટીએ સારી છે. RLV ટેકનોલોજી દ્વારા સ્પેસ એજન્સી બજેટમાં કામ કરી શકશે. RLV ટેકનોલોજી દ્વારા સ્પેસ એજન્સી ફર્સ્ટ અને સેકન્ડ સ્ટેડ પર રોકેટ રીયુઝ કરી શકે છે. કોસ્ટ કટિંગની દૃષ્ટીએ તે મહત્વપૂર્ણ છે. સાથે જ ભારે પેલોડ્સને વહન કરાવવાની ક્ષમતા છે.