Gujarati News

નવી દિલ્હી તા. ર૬: સંસ્થાની નવરચનાના ભાગરૂપે કોંગ્રેસે શુક્રવારે સાંજે ઓલ ઇન્ડીયા અનઓર્ગેનાઇઝડ વર્કર્સ કોંગ્રેસ (એઆઇયુડબલ્યુસી) ની રાષ્ટ્રીય સમિતી વિખેરી નાખીને નવા રાષ્ટ્રીય હોદેદારો અને રાજયના ચેરમેનોની નિમણુંક કરી છે.

એઆઇસીસીએ એઆઇયુડબલ્યુસીના ચેરમેન તરીકે અરવિંદ સિંઘ અને ઇરફાન આલમની વાઇસ ચેરમેન તરીકે નિમણુંક કરી હતી.

આઇઆઇસીસીના જનરલ સેક્રેટરી કે. સી. વેણુગોપાલના અનુસાર, એઆઇસીસીએ ત્રણ રીજયોનલ કો ઓર્ડીનેટર, પાંચ રાષ્ટ્રીય કો ઓર્ડીનેટર પાંચ સભ્યોની નિમણુંક રાષ્ટ્રીય કારોબારી સમિતીમાં કરી છે.

ર૦૧૯ની લોકસભા ચુંટણીમાં પક્ષના નબળા દેખાવ પછી પક્ષની નવરચનાના ભાગરૂપે ઓલ ઇન્ડીયા અનઓર્ગેનાઇઝડ વર્કર્સ કોંગ્રેસની રાષ્ટ્રીય સમિતિને વિખેરવામાં આવી છે.