Gujarati News

નવી દિલ્‍હીઃ દુનિયામાં અલગ અલગ પ્રકારના વાયરસ  સામે આવી રહ્યા છે જે માનવ જાત માટે ઘાતક બની રહ્યા છે અને સૌથી મોટી ચિંતાની બાબત છે કે કેટલાક વાયરસનો ઉપાય વૈજ્ઞાનિકો પાસે છે તો કેટલાકનો નથી ત્‍યારે હવે દુનિયાની સામે એક નવું જોખમ ઊભું થઈ શકે છે.

હવે પોવાસન નામના વાયરસ નો ખતરો પેદા થઈ ગયો છે અને દુનિયાભરના આરોગ્‍ય નિષ્‍ણાંતો ચિંતામાં મુકાયા છે કારણ કે આ  વાયરસને કારણે અમેરિકામાં એક મળત્‍યુ નોંધાયું છે. નિષ્‍ણાતો એ એવી માહિતી આપી છે કે ટીકસ નામના જંતુના કરડવાથી મહામારી ફેલાય છે અને આ જંતુને વુડચક પણ કહેવામાં આવે છે.

તબીબોએ  એમ કહ્યું છે કે ઉપરોક્‍ત નવા વાયરસને પગલે અમેરિકામાં ચિંતા ફેલાયેલી છે કારણ કે અમેરિકામાં દર વર્ષે ૨૫થી વધુ લોકો આ નવા વાયરસનો ભોગ બને છે અને તેની સારવાર હજુ પણ શોધી શકાય નથી.

અમેરિકા ઉપરાંત કેનેડા અને રશિયામાં પણ કેટલાક લોકોમાં આ નવા વાયરસ મળી આવ્‍યા છે અને તંત્રને ચેતવણી આપી દેવામાં આવી છે આ વાઇરસ લાગુ પડવાથી સખત તાવ ઉલટી અને ભયંકર નબળાઈ આવે છે.

તબીબોએ એવી ચિંતા પણ વ્‍યક્‍ત કરી છે કે આ નવા વાયરસ ની કોઈ દવા હજુ સુધી શોધી શકાય નથી કે કોઈ રસી પણ તેના માટે હજુ મળી નથી પરંતુ દરેક દેશમાં આ નવા વાઇરસની સામે જાગળતિ જરૂરી છે.