Gujarati News

Gujarati News

News of Saturday, 26th May 2018

હવે વ્હોટ્સએપ મારફતે જાણવા મળશે દવા અસલી છે કે નકલી ? દવા કંપનીઓ ૩ મહિનામાં યુનિક કોડ પ્રિન્ટ કરશે

નવી દિલ્‍હીઃ મેડીકલ સ્‍ટોરમાંથી ખરીદવામાં આવતી દવા અસલી છે કે નકલી તે જાણવા માટે વ્હોટ્સએપ મેસેજ કરવાનો રહેશે. આ માટે દવા કંપનીઓ આગામી 3 મહિનામાં પોતાની સૌથી વધુ વેચાતી પ્રોડક્ટ્સ પર યુનીક કોડ પ્રિંટ કરશે. એક વરિષ્ઠ સરકારી અધિકારીએ પોતાનું નામ ન આપવાની શરતે કહ્યું કે, આ પગલાથી 300 દવા બ્રાંડ્સની નકલથી છૂટકારો મળશે.

ડ્રગ્સ ટેક્નિકલ એડવાઇઝી બોર્ડે 16મેના રોજ યોજાયેલ મીટિંગ દરમિયાન આ ટ્રેસ એન્ડ ટ્રેકવ્યવસ્થા લાગુ કરવાના પ્રસ્તાવને મંજૂરી આપી દીધી છે. જોકે ફાર્મા કંપનીઓ માટે આ વ્યવસ્થા ફરજીયાત કરવામાં આવી નથી. જે પણ કંપનીઓ આ વ્યવસ્થાનો ભાગ હશે તેમના મટે બ્રાંડ લેબલ પર જ 14 અંકનો એક યુનિક નંબર પ્રિન્ટ થશે. જેને દવાના લેબલ પર આપવામાં આવેલ મોબાઈલ પર મેસેજ કરવાથી મેન્યુફેક્ચરરનું નામ, એડ્રેસ, મેન્યુપેક્ચરીંગ ડેટ અને એક્સાપાયરી ડેટ, બેચ નંબર વગેરે જાણકારી મળશે.

સરકારી અધિકારી મુજબ આ પગલાથી ગ્રાહકોને દવાની ગણવત્તા, તે અસલી છે કે નહીં તે અંગે ભરોસો આવશે. તો તપાસ અધિકારીઓને નકલી દાવાઓ શોધવામાં પણ મદદ મળશે. આ અંગે સરકાર અને અનેક દવા કંપનીઓ વચ્ચે વાતચીત શરુ હતી. જે બાદ અંતિમ નિર્ણય લેવામાં આવ્યો છે.

આ અંગે ઇન્ડિયન ફાર્માસ્યુટિકલ્સ એલાયન્સના સેક્રેટરી જનરલ ડી.જી.શાહે કહ્યું કે, ‘જો લોકો સુધી અસલી દવાઓ પહોંચતી હોય તો આ પગલું અમારા માટે આવકાર્ય છે. પરંતુ આ માટે પોર્ટલ બનાવવાની અને 14 આંકડાનો યુનિક નંબર જનરેટ કરવાની જવાબદારી આરોગ્ય મંત્રાલયે લેવી જોઈએ.એક અહેવાલ મુજબ 2014થી 2016 વચ્ચે કરવામાં આવેલ સર્વેમાં દેશમાં 3% દવાઓ નબળી ગુણવત્તા અને 0.23% દાવાઓ નકલી જોવા મળી હતી.

(12:00 am IST)