Gujarati News

Gujarati News

News of Friday, 26th February 2021

મમતા બેનર્જીએ ઈલેક્ટ્રોનિક સ્કૂટી ચલાવવાનો કર્યો પ્રયાસ : પડતા પડતા રહી ગયા માંડ માંડ બચ્યા હતા

પેટ્રોલ ડીઝલના ભાવ વધારાના વિરોધમાં મમતાએ સ્કૂટી સવારી કરી : સ્કૂટી ચલાવવા પ્રયાસ કર્યો તો માંડ માંડ બચ્ચા :સુરક્ષાકર્મીઓએ અને નેતાઓએ તેમને સંભાળી લીધા

પેટ્રોલ અને ડીઝલના વધતા ભાવોને લઈને ઈલેક્ટ્રોનિક સ્કૂટીની સવારી કરી આજે પશ્ચિમ બંગાળના મુખ્યમંત્રી મમતા બેનર્જી રેલી કાઢવા નિકળ્યા હતા. આ દરમિયાન એક મોટી દુર્ઘટના થતાં બચી ગઈ હતી. હાવડામાં એક રેલી થઈ રહી હતી. જ્યાં મમતા બેનર્જી સ્કૂટી લઈને પહોંચ્યા હતા. જેવું તેમણે સ્કૂટી ચલાવવાનો પ્રયાસ કર્યો કે, સ્કૂટી પડતા પડતા રહી ગઈ હતી અને મુખ્યમંત્રી માંડ માંડ બચ્યા હતા.

તેમની બાજૂમાં ઉભેલા સુરક્ષાકર્મીઓએ અને નેતાઓએ તેમને સંભાળી લીધા હતા તથા તેમને પડતા બચાવી લીધા હતા. આ દરમિયાન તેમનો ફોન પણ રસ્તા પર પડી ગયો હતો. આ સમગ્ર ઘટનાક્રમનો વીડિયો હાલ સોશિયલ મીડિયા પર વાયરલ થઈ રહ્યો છે.

પશ્ચિમ બંગાળના મુખ્યમંત્રી મમતા બેનર્જી પેટ્રોલ-ડીઝલની પ્રાઈઝને લઈને સતત મોદી સરકારો પર આકરા પ્રહારો કરતા રહે છે. ગુરૂવારે તેમણે આ જ ક્રમમાં ઈલેક્ટ્રોનિક્સ સ્કૂટરથી સચિવાલય સુધીની સફર કરી હતી. તેમની આ રેલીમાં મેયર ફરહાદ હકીમ પણ શામેલ થયા હતા. મમતા તેમની સાથે પાછળ બેઠા હતા. આ દરમિયાન બંનેએ હેલ્મેટ પહેર્યા હતા અને મમતા બેનર્જી કેન્દ્ર વિરુ્દ્ધ બેનરો પણ લહેરાવ્યા હતો

મમતા બેનર્જીની સ્કૂટર રેલી દરમિયાન સાથે લઈને આવેલા બૈનરમાં લખ્યુ હતું કે, તમારા હોઠે શું છે, પેટ્રોલના વધતા ભાવ, ડીઝલના વધતા ભાવ અને એલપીજી ગેસની કિંમતમાં વધારો. મમતાની આ રેલીમાં સચિવાલયના કેટલાય કર્મચારીઓ અને અધિકારીઓ પણ ઈ સ્કૂટી લઈને પહોંચ્યા હતા.

 મમતા બેનર્જી આ અગાઉ પણ કેટલીય વાર સ્કૂટર પર સવાર થઈને સચિવાલય આવ્યા હતા. તેઓ સ્કૂટર પર જ સવાર થઈને લોકોને અલગ અલગ જગ્યાએ મળવા પહોંચી જતાં હોય છે. 2007માં નંદીગ્રામમાં લેફ્ટ સમર્થકો દ્વારા પોતાના કાર્યકર્તાઓની વિરુદ્ધ થયેલી હિંસા બાદ તેઓ બાઈકથી પીડિત લોકોને મળવા પહોંચ્યા હતા.

(1:02 am IST)
  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST

  • પ્રિયંકાના પગલે રોબર્ટ વાડ્રા પણ ઉત્તર પ્રદેશમાં ચૂંટણીમાં ઝંપલાવવા થનગની રહ્યા છે : આવતીકાલે પ્રિયંકા ફરી વારાણસીમાં access_time 3:54 pm IST

  • એફિલ ટાવરથી પણ ઊંચા ભારતના ગૌરવની તસ્વીર : રેલમંત્રીએ આપી જાણકારી :જમ્મુ-કાશ્મીરમાં દુનિયાનો સૌથી ઊંચો પુલની કામગીરી અંતિમ તબક્કામાં : રેલવે મંત્રીએ તસ્વીર શેર કરી : કટડા -બનિહાલ વચ્ચે રિયાસીમાં ચિનાબ નદી પર આ પુલનું નિર્માણ access_time 1:20 am IST