Gujarati News

Gujarati News

News of Wednesday, 25th November 2020

આવતીકાલે દેશવ્યાપી બેન્ક હડતાલનું એલાન

સ્ટેટ બેન્ક અને આઈઓબી સિવાયની જાહેર ક્ષેત્રની બેન્કોના કર્મચારીઓ કામકાજથી દૂર રહેશેઃ સહકારી બેન્કો પણ ચાલુ રહેશેઃ ડીઝીટલ બેન્કીંગ તથા એટીએમ પણ ચાલુ રહેવાના છે

નવી દિલ્હી, તા. ૨૫ :. આવતીકાલે કેન્દ્ર સરકારની શ્રમ વિરોધી નીતિઓના વિરોધમાં ૧૦ કેન્દ્રીય ટ્રેડ યુનિયનોએ આપેલા હડતાલના એલાનને બેન્ક કામદારોના સૌથી મોટા યુનિયન એઆઈબીઈએ એ પણ ટેકો આપતા આવતીકાલે મોટાભાગની બેન્કો બંધ રહેશે. સ્ટેટ બેન્ક અને ઈન્ડીયન ઓવરસીઝ બેન્કના કર્મચારીઓ હડતાલમાં નહિ જોડાય. આ હડતાલમાં સહકારી બેન્કો પણ સામેલ થવાની નથી.દેશભરની મોટાભાગની બેન્કોમા આવતીકાલે કામકાજ ઠપ્પ થઈ જશે. જો કે ડીઝીટલ બેન્કીંગ કામકાજ ચાલુ રહેશે. એટીએમ પણ ચાલુ રહેવાના છે. ૨૬ તારીખ એટલે કે ગુરૃવારના રોજ હડતાલ બાદ શુક્રવારે બેન્કો ચાલુ રહેશે પરંતુ ફરી ૨૮મીએ ચોથો શનિવાર અને ૨૯મીએ રવિવારના કારણે બેન્કો બંધ રહેવાની છે.

(10:31 am IST)
  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST

  • વૃંદાવનમાં વૈષ્ણવોની પરિક્રમાનો પ્રારંભ : હજારો વૈષ્ણવો જોડાયા access_time 12:52 pm IST

  • 2020 ની સાલમાં રાજકીય પાર્ટીઓએ ગુમાવ્યા દિગ્ગજ નેતાઓ : કોંગ્રેસના અહમદ પટેલ ,તરૂણ ગોગોઈ ,તથા પ્રણવ મુખરજી ,ભાજપના જસવંતસિંહ ,તથા લોક જનશક્તિ પાર્ટીના રામવિલાસ પાસવાને ચીર વિદાઈ લીધી access_time 12:44 pm IST